Puerto Rico på Gran Canaria

	Puerto Rico
	busetnad
Land	Spania
Provins	Las Palmas
Kommune	Mogán
	; Puerto Rico på Gran Canaria; 27°47′17″N 15°42′40″W / 27.78806°N 15.71111°W
	Wikimedia Commons: Puerto Rico (Gran Canaria)

For andre tydingar av oppslagsordet, sjå Puerto Rico (fleirtyding).

Puerto Rico er ein turistby i Mogán kommune på sørkysten av Gran Canaria. Gran Canaria er den nest sørlegaste øya i den spanske øygruppa Kanariøyene i Atlanterhavet. I 2015 hadde Puerto Rico 4 242 innbyggarar.^[1]

Maksimumstemperaturane i byen ligg på rundt 20-25 grader om vinteren.^[2] Han er dominert av turistnæringa, med mange hotell og utestader, eit stort kjøpesenter og fleire badestrender.

Puerto Rico har ei sandstrand og to småhamner. Inne i byen ligg dei fleste butikkane og restaurantane i små kjøpesenter. Pasarela-senteret ligg nærast stranda, medan det største kjøpesenteret, The Market Puerto Rico,^[3] ligg i sentrum.

Strender[endre | endre wikiteksten]

Bystranda har rullestoltilgang, solsenger, parasollar og dusjar.^[4] Amadores-stranda ligg ein kilometer nordvest for Puerto Rico.^[5] Ho er eit populært turistmål på sørkysten av Gran Canaria. Litt lenger nordvest ligg Tauro-stranda, ei meir privat og avslappa strand.