Pyroklastisk bergart

USGS-forskarar utforskar pimpstein på kanten av ein pyroklastisk straum frå Mount St. Helens

Bergartar frå Bishop Tuff, pimpstein til venstre og fiamme til høgre.

Pyroklastiske bergartar er bergartar som er samansett av vulkanske brotstykke, pyroklastar, og vulkansk oske som vert utstøytt ved eksplosive vulkanutbrot.

Pyroklastiske bergartar kan variere i klaststorleikar frå dei største agglomerata til særs fin oske og tuff. Pyroclastar av ulik storleik vert klassifisert som vulkanske bomber, lapilli og vulkansk oske. Oske vert rekna for å vere pyroklastisk fordi han er eit fint støv som består av vulkanske bergartar. Ein av dei mest spektakulære formene for pyroklastiske avsetningar er ignimbritt, som vert avsette i særs varme blandingar av gass og oske i pyroklastiske straumar.

Kjelder

• Denne artikkelen bygger på «Pyroclastic rock» frå Wikipedia på engelsk, den 17. november 2013.

• Pyroklastisk bergart. (2009, 14. februar). I Store norske leksikon. Henta 17. november 2013 frå http://snl.no/pyroklastisk_bergart.