Quneitra guvernement

Quneitra guvernement
مُحافظة القنيطرة
guvernement
Land	Syria
Manatiq (Distrikt)	2
Hovudstad	Quneitra
Koordinatar	33.126°N 35.824°E / 33.126; 35.824
Areal	1 200 km²
Folketal	90 000
ISO 3166-2 kode	SY-QU-
Språk	arabisk
Quneitra guvernement 33.12°N 35.94°E / 33.12; 35.94
Kart over Syria med Quneitra guvernement avmerkt (1964-1967). Kart over Syria med Quneitra guvernement avmerkt (1964-1967).
Kart som viser kva del av Quneitra som i røynda er under syrisk styre (1967-2011). Kart som viser kva del av Quneitra som i røynda er under syrisk styre (1967-2011).
Wikimedia Commons: Quneitra Governorate

Quneitra guvernement (arabisk مُحافظة القنيطرة, Muḥāfaẓat Al-Qunayṭrah) er eit av fjorten guvernement (provinsar) i Syria. Det ligg sør i Syria og omfattar Golanhøgdene.

Guvernementet grensar til Libanon, Jordan og Israel. Arealet varierer etter forskjellige kjelder, frå 685 km² til 1 861 km². Guvernementet har ein folkesetnad på 87 000 (estimat 2010). Den pålydande hovudstaden er den no fråflytta byen Quneitra. Mykje av guvernementet vart erobra av Israel i seksdagarskrigen i 1967 og Yom Kippur-krigen i 1973 (kalla oktoberkrigen i arabiske land) og dannar i dag dei omstridde israelskokkuperte Golanhøgdene.

Etter at den syriske borgarkrigen braut ut, har Quneitra guvernement, inkludert ein nøytral SN-observasjonssone, vore åstad for harde kampar mellom syriske opprørarar og dei statlege styrkane.

Distrikt

Quneitra Fiq

Guvernementet er delt inn i to distrikt (manatiq): Fiq som vidare er delt inn i to underdistrikt (nawahi). Fiq Elmahjer al Qunaytirah som offisielt er delt inn i seks underdistrikt (nawahi): Quneitra (hovudsakleg nøytral sone sidan 1973) Jabta Elhashab Massade (under israelsk okkupasjon sidan 1967) Hushnia (under israelsk okkupasjon sidan 1967)

Kjelder

• Denne artikkelen bygger på «Quneitra Governorate» frå Wikipedia på engelsk, den 4. april 2014.
  • Wikipedia på engelsk oppgav desse kjeldene:

Bakgrunnsstoff

• Equnaytra - nyhende og tenester