Røgden

Frå Wikipedia – det frie oppslagsverket
Hopp til navigering Hopp til søk
Røgden
innsjø
Land Flag of Norway.svg Noreg, Flag of Sweden.svg Sverige
Fylke Hedmark
Kommune Grue
Høgd over havet 280 moh
Areal 15,97 km²
Kystlengd1 40,63 km
Koordinatar 60°25′17″N 12°30′14″EKoordinatar: 60°25′17″N 12°30′14″E
1 Kystlengd er eit unøyaktig mål som kanskje ikkje er standardisert for denne artikkelen.

Røgden er ein innsjø på grensa mellom Noreg og Sverige. Den norske delen ligg i Grue kommune i Hedmark fylke. Innsjøen har eit samla areal på 15,97 km², der 14,88 km² av dette ligg i Noreg.

Røgden var sentrum for finneinnvandringa1600-talet og rundt Røgden finst det spor etter gamle finneplassar. Det finst nokre få gardsbruk rundt Røgden. Størsteparten av vassforsyninga kjem frå Løvhaugsåa som kjem frå Rotbergsjøen (331 moh). Han får igjen størsteparten av vatnet sitt frå Fallsjøen (370 moh). Utløpet ligg i Sverige, der det er bygd eit kraftannlegg, I periodar ver tsjøen tappa så kraftig at vasstanden søkk med fleire meter til kommunen og hytteeigarane sin irritasjon.

Det vert teke stor åbor i Røgden. Det vert òg teke stor mort, og han vert lokalt kalla næversko mort. Det vert òg teke litt aure i vassdraget. Langs sør- og vestsida av Røgden ligg det hytter, nokre ligg idyllisk til på holmar ute i sjøen.

I sjøen er det òg to holmar, begge kalla Kjerringholmane, og her ligg det eldre gravplassar frå finneinnvandringa i Grue Finnskog tidleg på 1600-talet. Holmane ligg i vest- og austenden på sjøen. Det finske namnet på Kjerringholmene er Akkasauri.