Rønnaug Kleiva

Rønnaug Kleiva
Nasjonalitet	Norsk
Statsborgarskap	Noreg
Fødd	30. november 1951 (73 år)
Yrke	Forfattar
Periode	1985-
Prisar	Samlagsprisen, Sigmund Skard-stipendet
Debut	Animasjon

Rønnaug Kleiva (fødd 30. november 1951) er ein norsk forfattar og dramatikar fødd på Vartdal på Sunnmøre.

Ho debuterte med diktsamlinga Animasjon i 1985 og har sidan gitt ut 29 bøker i ymse sjangrar for vaksne og barn. Ho er representert i ei rekke antologiar og norskverk for grunnskule og vidaregåande skule. Bøkene hennar er omsette til gresk, dansk, svensk, serbisk og russisk. Ho er også representert i antologiar på tysk, bosnisk og tsjekkisk.

Kleiva var festspeldiktar ved Vinterfestspillene i Bergstaden i 2001 og har motteke fleire prisar for bøkene sine. For boka Ikkje gløym å klappe katten fekk ho både Kritikarprisen for barnebøker og Kulturdepartements barnelitteraturpris i 1997. Rønnaug Kleiva var og festspeldiktar under Dei Nynorske Festspela i 2010.

Rønnaug Kleiva er utdanna cand. mag. med lærarskule, idrett grunnfag og norsk mellomfag og har arbeidd som lærar i 15 år. Ho har også teke forfattarstudiet ved Høgskulen i Telemark i Bø.

Verk

• Animasjon – diktsamling – Samlaget, 1985
• Å fø fram ein kalv over vinteren – prosatekstar – Samlaget, 1986
• Fuglane kor dei flyg – barnebok – Illustrert av Kari Bøge, Samlaget, 1988
• Kven sin dag er dette? – barnebok – Illustrert av Alf-Kaare Berg, Samlaget, 1989
• Balansepunkt – prosalyrikk – Samlaget, 1990
• Plutseleg no – ungdomsroman – Samlaget, 1990
• Ein underleg vinter – biletbok – Illustrert av Malgorzata Piotrowska]], Samlaget, 1991
• Einmannsbåten – barnebok – Samlaget, 1993
• Eg greier meg – barnebok –Illustrert av Las Elling, Samlaget, 1994
• I ovnen er lammet – diktsamling –Illustrert av Arne Nøst, Cappelen, 1995
• Greske gudar og gudinner – fagbok – Samlaget, 1996
• Ikkje gløym å klappe katten – barnebok – Illustrert av Inger Lise Belsvik,Samlaget, 1997
• Som før – Labyrinter, 1998
• Kjærleik på pinne frå Ouagadougou – barnebok – Samlaget, 1999
• Kvinner med fingermanualar – skodespel – Solum, 2001
• Fangeteneste – novellesamling – Samlaget, 2001
• Om dagen kan ein flyge – biletbok – Illustrert av Akin Düzakin, Samlaget, 2001
• Ingen reell fare – roman – Samlaget, 2003, 2004
• Ein ettermiddag – dramatikk – Solum, 2004
• La oss krysse Nilen – prosa – Samlaget, 2005
• Eg rømmer – biletbok – Illustrert av Inger Lise Belsvik, Samlaget, 2005
• Andre sida av Paris – ungdomsroman – Samlaget, 2007
• Ikkje for varmt, ikkje for kaldt – novellesamling – Samlaget, 2008
• Vegen heim frå Sarajevo – ungdomsroman –Samlaget, 2009
• Notat vedrørande kjærleik – noveller – Samlaget, 2010
• Armenia, Albania, Argentina – roman – Samlaget, 2012
• Båtar på vatnet. Etter beleiringa. Så hyggeleg (Dramatikk), 2015
• Western Desert (Noveller for voksne), 2017
• Liljene på stranda (Voksenroman), 2019
• Vinden og kattane (Ungdomsroman, Samlaget, 2021)

Prisar

• Noregs Mållags barnebokpris 1990 for Plutseleg no
• Kritikarprisen for barne- og ungdomsbøker 1997 for Ikkje gløym å klappe katten
• Samlagsprisen 1998
• Kulturdepartementets barnelitteraturpris 1997 for Ikkje gløym å klappe katten
• Sigmund Skard-stipendet 2003

Bakgrunnsstoff

• Nettstaden til Rønnaug Kleiva
• Digitaliserte bøker av Rønnaug Kleiva hjå Nasjonalbiblioteket
• Om Rønnaug Kleiva på nettstaden til Norske Dramatikeres Forbund Arkivert 2007-09-27 ved Wayback Machine.
• Rønnaug Kleiva i NRK Forfatter