Ragnar Hvidsten

Frå Wikipedia – det frie oppslagsverket
Hopp til navigering Hopp til søk
Ragnar Hvidsten
Fødd 3. desember 1926
Sandefjord
Død

21. september 2016
Sandefjord

Yrke fotballspelar

Ragnar Hvidsten (3. desember 192621. september 2016)[1] var ein norsk fotballspelar frå Sandar som spelte i angrep på Sandefjord Ballklubb og Skeid i 1940- og 50-åra. Han var med i 22 landskampar i tida 1950-55.

Hvidsten, som «fløt på sin ypperlige teknikk og store hurtighet», var angripsspelar på Sandefjord BK fram til hausten 1951. Åra 1952 og -53 gjorde han teneste i oslolaget Skeid, også det eit lag som deltok i Hovedserien. Frå våren 1954 var han tilbake i Sandefjord-drakta og var med då laget spelte NM-finale i 1957.

Hvidsten debuterte på Noregs landslag i ein vennskapskamp mot Jugoslavia i november 1950. Han skåra sitt fyrste landslagsmål i ein kamp mot Irland i mai 1951 og sitt andre og siste mål mot Island i juli same året. Saman med tidlegare klubbkamerat Thorbjørn Svenssen deltok han i Sommar-OL 1952 i Finland. Hans siste kamp av i alt 22 kampar med flagget på brystet kom under nordisk meisterskap mot Sverige i september 1955.

«Bedre enn de aller fleste norske wingløpere kunne han kunsten å gå til dødølinjen og derfra åpne forsvaret med en fiks sentring like utenfor målmannens rekkevidde», skriv Magnus Breili i Fotballboken.

Merittar[endre | endre wikiteksten]

  • Tapande cupfinalist: 1957 med Sandefjord BK

Referansar[endre | endre wikiteksten]

  1. Dødsannonse, Aftenposten. Besøkt 28. september 2016.

Kjelder[endre | endre wikiteksten]