Ragnhild Mowinckel

Frå Wikipedia – det frie oppslagsverket
Hopp til navigering Hopp til søk
Ragnhild Mowinckel
Ragnhild Mowinckel.jpg
Fødd 12. september 1992
Molde
Yrke alpinist
Ragnhild Mowinckel på Commons
Ragnhild Mowinckel (2017)

Ragnhild Mowinckel (fødd 12. september 1992) er ein norsk alpinist frå Molde som i 2018 vann OL-sølv i storslalåm. Storslalåm- og super-G-spesialisten Mowinckel har vunne tre NM-gull i tida 2012-14, i tillegg til tre renn i junior-VM. Ho er medlem i Sportsklubben Rival.

Aktiv[endre | endre wikiteksten]

Vinteren 2012 vann Mowinckel både storslalåm og kombinasjonen under junior-VM i Roccaraso i Italia. Sesongen etter forsvarte ho meistertittelen i kombinasjon då junior-VM vart avvikla i Quebec-provinsen i Canada.

Mowinckel debuterte i verdscupen 3. januar 2012 i Zagreb. Si hittil beste plassering i verdscupen, ein femteplass i storslalåm, oppnådde ho i Kühtai i Tirol den 28. desember 2014. Etter å ha vorte nummer seks i superkombinasjonen under Vinter-OL 2014 i Sotsji, måtte ho nøye seg med ein niandeplass i same øvinga ved VM i alpine greiner 2015 i Vail/Beaver Creek.

Mowinckel vart norsk meister i storslalåm og kombinasjon under NM i alpine greiner 2013 i Hafjell i Øyer, og tok medaljar i dei andre tre øvingane. I 2014 vart ho noregsmeister i kombinasjon på Voss.

Den 16. desember 2017 kapra Mowickel tredjeplassen i ei super-G-tevling i Val-d’Isère, hennar fyrste pallplass i eit verdscuprenn. To månader seinare tok ho sølvmedaljen i storslalåm under Vinter-OL 2018 i Pyeongchang.

Kjelder[endre | endre wikiteksten]

  • Sportsboken, aktuelle årgangar