Rakiura nasjonalpark
| Rakiura National Park | |||
| nasjonalpark | |||
 | |||
| Land |  New Zealand | ||
|---|---|---|---|
| Region | Southland | ||
| Tidssone | +12 | ||
 Rakiura National Park 46°58′34″S 167°48′50″E / 46.976°S 167.814°E | |||
| Wikimedia Commons: Rakiura National Park | |||
Rakiura National Park er eit naturreservat på Stewart Island/Rakiura på New Zealand. Han dekkjer eit areal på 1 570 km², dette er om lag 85 % av Stewart Island, som er den tredje største øya på New Zealand.
Historie
[endre | endre wikiteksten]Nasjonalparken vart offisielt opna 9. mars 2002 som den 14. av nasjonalparkane på New Zealand. Ved opninga var statsministeren Helen Clark, miljøministeren Sandra Lee og fjellklatraren sir Edmund Hillary.[1]
Parken er sett saman av eit nettverk av tidlegare naturreservat, andre verna område og statlege skogar. Han omfattar ikkje det bymessige området kring Halfmoon Bay (Oban), ein del vegar, eller ein del privat eller maori-eigd land lenger innover i landet.[1]
Ein kjedeskulptur ved inngangen til parken symboliserer maorimytologien om øya, som seier at Sørøya er danna av kanoen til halvguden Māui og at Rakiura utgjorde ankeret. Det alternative namnet på øya, «Te Punga o Te Waka a Māui», tyder ‘ankeret til Māui sin kano’.[2] Skulpturen blei utforma av kunstnaren Russell Beck frå Southland, og blei avduka som del av opninga av nasjonalparken.[3][1] I 2008 blei det reist ein liknande skulptur i Bluff som representerer den andre enden av kjeda.[4]
Den populære turruta Rakiura Track ligg inne i nasjonalparken.
Natur
[endre | endre wikiteksten]
Mange stadeigne fugleartar held til i parken, og Rakiura byr kanskje på dei beste høva på New Zealand til å sjå kiviar i naturlege omgjevnadar. Dette er delvis også på grunn av at det ikkje finst røyskatt eller ilder på øya. Det er sørbrunkivi eller tokoeka som lever på øya, den største kiviarten. Ein reknar med at det finst rundt 15 000 kiviar på Stewart Island/Rakiura.[5]
Somme kystområde i parken er hekkeområde for den trua arten gulaugepingvin.[6]
Kjelder
[endre | endre wikiteksten]- 1 2 3 «Stewart Island national park created». The New Zealand Herald. 10. mars 2002. Henta 30. november 2012.
- ↑ «History and naming of Stewart Island». www.stewartisland.co.nz. Henta 14. august 2021.
- ↑ Smith, Lisa (2. april 2018). «Away to the anchor». Otago Daily Times (på engelsk). Henta 14. august 2021.
- ↑ «Bluff to replicate anchor chain sculpture». The Southland Times. 30. mai 2008. Henta 16. juni 2015.
- ↑ «Southern brown kiwi | Tokoeka | New Zealand Birds Online». nzbirdsonline.org.nz (på engelsk). Henta 17. juli 2022.
- ↑ C. Michael Hogan. 2009. Yellow-eyed Penguin: Megadypes antipodes, GlobalTwitcher.com, ed. N. Stromberg Arkivert 2011-10-05 ved Wayback Machine.
- Denne artikkelen bygger på «Rakiura National Park» frå Wikipedia på engelsk, den 30. november 2012.
