Ransåsen
Springaren Ransåsen skriv seg opphavleg frå Numedal, men er og nytta i Telemark. Her heiter slåtten Ondelåna, Kari Einung eller Eivind Tave, og er spela i tradisjon etter Håvard Gibøen. Slåtten var mykje nytta av Gullik Spellemann frå Flesberg, og namnet Ransåsen skriv seg frå stordansaren Levor Ransåsen som levde frå 1788 til 1857.
Variantgruppa[endre | endre wikiteksten]
Variantgruppa har katalognr 494 i hardingfeleverket, og tel seks variantar, to frå Numedal og fire frå Telemark. Slåttane etter Eilev Smedal, Olav Løndal og Eivind Mo er meir utbygde enn dei tre første variantane.
- a: Ransåsen, etter Hellik Juveli, Flesberg [1][daud lenkje]. Nedskrift Sven Nyhus 1975.
- b: Ransåsen, etter Steingrim Haukjem, Veggli [2][daud lenkje]. Nedskrift Eivind Groven 1960 (G 1183).
- c: Gibøslått, etter Olav R. Berge, Rauland [3][daud lenkje]. Nedskrift Eivind Groven 1919 (G 615).
- d: Kari Einung, etter Eilev Smedal, Seljord [4][daud lenkje]. Nedskrift Eivind Groven 1936 (G 370). Slenger noko inn på springaren Saltevju.
- e: Eivind Tave, etter Olav Løndal, Tuddal [5][daud lenkje]. Nedskrift Eivind Groven 1960 (G 1203). Eivind Tave er eit anna namn på Eivind Spellemann frå Flesberg. Slåtten har venteleg kome til Tuddal med Lars Fykerud.
- f: Ondelåna, etter Eivind Mo, Rauland [6][daud lenkje]. Nedskrift Truls Ørpen 1956 (Ø 542). Slåttenamnet er etter spelemannen Tor Ondelåna frå Bø i Telemark.