Rapallo

Frå Wikipedia – det frie oppslagsverket
Jump to navigation Jump to search
Utsyn over Rapallo
Rapallo-borga
Hamnegate i Rapallo

Rapallo er ein by og ein kommune i provinsen Genova i Liguria-regionen i Italia. Kommunen har om lag 29 000 ibuarar og eit areal på 33,6 km². Kystbyen Rapallo ligg på den italienske rivieraen i ei bukt av Liguriahavet, mellom kommunane Portofino i vest og Chiavari i aust.

Staden har eit mildt klima og hovuddelen av byen ligg på rimeleg flatt land. Mange har busett seg i åsane som reiser seg rett bakom bykjernen, der det er betre ly mot dei kraftige nordavindane.

Soge[endre | endre wikiteksten]

Dei eldste busetnadene på staden er truleg frå det åttande hundre før Kristi fødsel.

Landsbyen Rapallo vart erobra av lombardar i 643. I Karl den store si regjeringstid vart han underlagt greiven i Genova. Bynamnet vert nytta fyrste gongen i eit dokument frå 964. Frå 1200-talet til napoleonskrigane låg Rapallo under bystaten Genova. Galeiar frå Rapallo deltok til dømes i Meloria-slaget i 1284. Den 5. september 1494 vart byen erobra av aragonesarar, medn tre dagara seinare vart det jaga bort av ein sveitsisk styrke på 2 500 mann. Gjennom 1500-talet vart byen angripen og plyndra av ottomanske og nordafrikanske piratar. Til vern mot slike angrep vart bygt ei borg ved hamna.

Etter at Frankrike hadde styrt byen i meir enn ti år, erobra britiske styrkar Rapallo i 1814. Året etter vart han innlemma i den nye staten kongeriket Sardinia, som del av hertugdømet Genova.

12. november 1920 skreiv Italia og kongeriket Jugoslavia under på Rapallo-avtalen, ein avtale som løyste grensespørsmåla mellom dei to statane. Italia fekk hand om den strategisk viktige fjellryggen i Julian-Alpane då grensesene vart fastsett i nordaust. I april 1922 inngjekk Russland og Tyskland ein avtale der dei to statane gav avkall på krigerstatningar og tok opp ordinær diplomatisk komtakt.

Vinterstid har Rapallo i generasjonar vore ein ynda stad for rikfolk frå det nordvestlege Italia. Sidan andre halvdel av det 19. hundreåret har også ein del utlendingar budd i byen, mellom dei tyske Friedrich Nietzsche og USA-amerikanaren Ezra Pound

Kjelder[endre | endre wikiteksten]