Rashid Ramzi

Rashid Ramzi
Statsborgarskap	Marokko, Bahrain
Fødd	17. juli 1980 (43 år) Safi
Idrett	friidrett
Tok del i	Sommar-OL 2008, Sommar-OL 2004, Asialeikene 2002, Asialeikene 2006

Rashid Ramzi (fødd 17. juli 1980) er ein marokkansk tidlegare mellomdistanseløpar som frå 2002 representerte Bahrain. Han vart verdsmeister på 800 meter og 1500 meter ved meisterskapen i Helsinki i 2005.

Aktiv

Ramzi er frå Safi i Marokko. Som representant for Bahrain vann han i 2002 gull i Asia-meisterskapen og asialeikane. Han imponerte stort då han vann eit GL-stemne på Stadio Olimpico i Roma den 2. juli 2004 på tida 3.30,2, men klart ikkje ta seg til finale i OL i Athen. Tidleg i juli 2005 forbetra han rekorden sin til 3.30,0 på nettopp Stadio Olimpico. Under verdsmeisterskapen 2005 i Helsinki i august kneip han gullmedaljen på 1500 m framom sin tidlegare landsmann Adil Kaouch og Rui Silva frå Portugal. Fire dagar seinare overraska han stort ved å vinne 800-meteren klart framom favoritten Jurij Borzakovskij. 14. juli 2006 var Ramzi tilbake på Stadio Olimpico der han sette livsbeste på 1500 m med 3.29,1, tre dagar seinare fekk han tida 1.44,05 ved eit stemne i Madrid, også det personleg rekord på den aktuelle distansen. I verdsmeisterskapen 2007 kneip han sølvmedaljen på 1500 m med ein margin på 0,04 sekund etter eit rivande spurtoppgjer.

I Sommar-OL 2008 kom Ramzi i mål som fyrstemann på 1500 meter pg vart tildelt den aller fyrste OL-medaljen som gjekk til ein representant for Bahrain. Året etter gjekk medaljen tapt.

Doping

Ramzi vart i 2009 dømt for å ha brukt det blodforsterkande stoffet CERA og fråteken gullmedaljen han fekk i Beijing året før.

Medaljar og plasseringar i internasjonale meisterskap

• OL 2004 i Aten: Utslått i semifinalane på 1500 m (3.44,6=nr 22)
• VM 2005 i Helsinki: Gull på 800 m – 1.44,24, og 1500 m – 3.37,88
• VM 2007 i Osaka: Sølv på 1500 m – 3.35,00, bakom Bernard Lagat (3.34,7). Utslått i semifinalane på 800 m (1.47,76=nr 21)
• OL 2008 i Beijing: Annullert fyrsteplass [3.32,94]

Kjelder

• Denne artikkelen bygger på «Rashid Ramzi» frå Wikipedia på engelsk, den 6. juli 2022.