Rasmus Rasmusson Viland
| Rasmus Rasmusson Viland | |
| Statsborgarskap | Noreg |
| Fødd | 1775 Vikedal |
| Død | |
| Yrke | bonde, politikar |
| Språk | norsk |
Rasmus Rasmusson Viland (1775–8. mai 1837) var ein norsk gardbrukar og stortingsmann frå Vikedal sokn i Vikedal prestegjeld i Rogaland.
Rasmus Viland var son av gardbrukar og postbonde Rasmus Jakobsen og Lisbeth Tørresdotter på Strand i Sandeid Vikedal skisreide. I 1805 gifta han seg til garden Viland, Ilsvåg, i Vats skipsreide/Vikedal prestegjeld.- frå 1837 Vikedal herad - og dreiv denne sidan. Han tok på seg verv, mellom anna var han prestens medhjelpar. Som prestens medhjelpar hadde Viland innverknad på styre og stell i prestegjeldet.
I 1814 var Viland 4. representant frå Stavanger amt på Stortinget. Han var då medlem av deputasjonen som møtte Kristian Fredrik den 10. oktober 1814. Til Stortinget 1836 vart han vald til varamann. Han tapte loddtrekkinga om 3./4. plassen og blei derfor 4. varamann.
Han døydde på Viland i Ilsvåg, 8.mai i 1837. Gravlagt i Vikedal 17. mai 1837.
Kjelder[endre | endre wikiteksten]
- Lindstøl, Tallak:Stortinget og Statsraadet 1814-1914. Kristiania, 1914
- Vindetreet 2014, Arvid Staupe, Gardbrukar Rasmuss Viland, Ilsvåg, Stortingsmann 1814.
- Statsarkivet i Stavanger
- Biografisk informasjon om Rasmus Rasmusson Viland NSD Norsk senter for forskningsdatas politikararkiv