Ravana Falls

Ravana Falls
foss
Land	Sri Lanka
Provins	Uva-provinsen
Ravana Falls 6.9038888888889°N 81.051666666667°E / 6.9038888888889; 81.051666666667
Wikimedia Commons: Ravana Falls

Ravanafossen (engelsk Ravana Falls, singalesisk Ravana Alla රාවණා ඇල්ල) er ein kjend attraksjon på Sri Lanka. Han ligg sentralt i landet, nær småbyen Ella i Uva-provinsen.

Skildring

Fossen er kring 25 meter (82 ft) høg, og fossar ut frå eit ovalt, konkavt fjellutspring. I regntida skal han sjå ut som ein arekapalmeblom. I tørketida er det mykje mindre vatn i fossen. Fossen ligg i verneområdet Ravana Ella Wildlife Sanctuary, 6 kilometer (3,7 mi) unna den lokale jernbanestasjonen ved Ella.

Soger

Fossen har namn etter sogekongen Ravana, som opptrer i det kjende indiske eposet Ramayana. Ifølgje soga hadde Ravana, som var konge av [Sri] Lanka, kidnappa prinsesse Sita, kona til Rama, og gøymd henne i holene bak fossane, no kjend som Ravana Ella Cave. På denne tida var hola omgjeven av tjukk skog i eit vilt landskap. Sita skal ha bada i ein dam av vatn frå denne fossen. Ravana skal òg ha spela strengeinstrumentet ravanahatha her.

Ravana Ella-hola

Ravana Ella-hola ligg 1 370 meter (4 490 ft) over havet på ei klippe. Hola er eit populært turistmål, rundt 11 kilometer (7 mi) frå Bandarawela. Utgravingar i hola har funne spor etter menneske frå 25 000 år tilbake.

Galleri

• 
  Trapper til hola

Kjelder

• Denne artikkelen bygger på «Ravana Falls» frå Wikipedia på engelsk, den 11. februar 2021.