Reg Presley

Frå Wikipedia – det frie oppslagsverket
Jump to navigation Jump to search
Reg Presley
Verkeleg namn Reginald Maurice Ball
Fødd 12. juni 1941(1941-06-12)
Andover i Hampshire i England
Død

4. februar 2013 (71 år)
Andover i Hampshire i England

Instrument

Vokal

Sjanger pop
Aktive år 1960-åra til 2012
Yrke Musikar, songar, låtsrivar
Tilknytte artistar The Troggs

Reginald Maurice Ball (12. juni 19414. februar 2013), mest kjend som Reg Presley, var ein engelsk songar og låtskrivar. Han var frontmann i 60-talsbandet The Troggs, som hadde hittar som «Wild Thing» og «With a Girl Like You». Han skreiv songen «Love Is All Around», som vart nytta i filmane Four Weddings and a Funeral og Love Actually.

Karriere[endre | endre wikiteksten]

Presley fekk dette scenenamnet i 1965 av New Musical Express-journalisten Keith Altham.[1] Etter skulen var over vart han murar, og hadde dette yrket fram til «Wild Thing» gjekk inn på UK Singles Chart i 1966.[2] Songen nådde andreplassen i Storbritannia og gjekk heilt til topps i USA, og selde fem millionar eksemplar.[2][3]

Presley skreiv hittane «With a Girl Like You», «I Can't Control Myself» og «Love Is All Around». Wet Wet Wet sin versjon av denne sistnemnde songen i 1994 låg heile 15 veker på toppen av UK Singles Chart. Presley brukte inntektene han fekk for dette til å finansiere forsking på UFOar, tapte sivilisasjonar, alkymi og kornsirklar og publiserte funna sine i boka Wild Things They Don't Tell Us, publisert i oktober 2002.[2][4]

Helseproblem og død[endre | endre wikiteksten]

I desember 2011 vart Presley lagt inn på sjukehus i Winchester i Hampshire, med mistanke om eit hjerneslag. Han hadde òg lungebetennelse og væske kring hjarta. Presley hadde hatt eit stort slag kring eit år tidlegare. Kona hans sa ha byrja å kjenne eg dårleg då han spelte i Tyskland den 3. desember 2011 og vart gradvis verre.[5] Månaden etter vart det annonsert at Presley hadde lungekreft og derfor valte å trekkje seg frå musikkindustrien.[6] Litt over eit år seinare, den 4. februar 2013, døydde Presley av kreft.[7][8] Presley vart kremert ved Basingstoke Crematorium i Hampshire.

Ein blå plakett i hans minne vart avdekt i Andover High Street den 31. juli 2016, og markerte staden der The Troggs brukte å øve.

Ettermæle[endre | endre wikiteksten]

Musikken til Presley inspirerte Iggy Pop og vart lovprist av Bob Dylan. Kritikaren Lester Bangs kalla The Troggs «punkens gudfedre» og samanlikna Presley med Marcel Proust.[2] Presley er med som ein rollefigur i Steve Erickson-romanen These Dreams of You (2012).[9]

Kjelder[endre | endre wikiteksten]

Bakgrunnsstoff[endre | endre wikiteksten]