Reinheimen nasjonalpark

Reinheimen nasjonalpark
nasjonalpark
Land	Noreg
Fylke	Innlandet, Møre og Romsdal
Kommunar	Lesja, Skjåk, Lom, Vågå, Fjord, Rauma
Areal	1 969 km²
Oppretta	24. november 2006
Tilknytte verneområde	Romsdalen, Tafjorden-Reindalen, Trollstigen, Ottadalen, Finndalen, Lordalen
Reinheimen nasjonalpark 62.16666667°N 7.9°E / 62.16666667; 7.9
Wikimedia Commons: Reinheimen nasjonalpark

Reinheimen nasjonalpark er ein nasjonalpark i fjellområdet Reinheimen med areal i Rauma, Norddal, Vågå, Lom, Skjåk og Lesja kommunar i Møre og Romsdal og Innlandet. Han vart oppretta i 2006.

Omkring nasjonalparken ligg seks landskapsvernområde:

• Trollstigen landskapsvernområde
• Romsdalen landskapsvernområde
• Tafjord-Reindalen landskapsvernområde
• Ottadalen landskapsvernområde
• Lordalen landskapsvernområde
• Finndalen landskapsvernområde med Brettingsmoen naturreservat

Vern og bruk

Formålet med oppretting av Reinheimen nasjonalpark er å:

• ta vare på eit stort, samanhengande og villmarksprega fjellområde
• ta vare på eit høgfjellsøkosystem med eit eigenarta og variert biologisk mangfald
• ta vare på sentrale leveområde til villreinstammen i Ottadalen nord
• ta vare på eit viktig referanseområde for forsking med ein aust-vest gradient med stor variasjonsbreidd i høve til geologi, klima, vegetasjon og topografi
• ta vare på landskapsformer og særprega geologiske førekomstar
• ta vare på vassdragsnaturen i området
• verne om kulturminne.

Ålmenta skal ha tilgang til naturoppleving gjennom utøving av tradisjonelt og enkelt friluftsliv med liten grad av teknisk tilrettelegging.

Kjelder

• Verneforskrifta
• Kart og verneforskrift