Renée Colliard

Renée Colliard
Fødd	24. desember 1933 Genève
Yrke	alpinist
Renée Colliard på Commons

Renée Colliard (fødd 24. desember 1933) er ein sveitsisk, tidlegare skirennar og apotekar. Colliard, som var frå Genève, vart olympiameister i slalåm i 1956.

Colliard kvalifiserte seg til den sveitsiske OL-troppen 1956 med ein andreplass i eit renn i Grindelwald, kort før leikane tok til. I den olympiske tevlinga i Cortina d'Ampezzo overraska ho alle med å gå heilt til topps. Med startnummer 1 rann ho fortast av samtlege deltakarar i begge omgangane, og sikra seg gullmedaljen i slalåmtevlinga. Med tida 1.52,3 var ho heile 3,1 sekundar føre sølvvinnaren Regina Schöpf frå Austerrike.

I 1960 gifta Colliard seg og slo seg ned i Montana i kantonen Valais som apotekar.

Bakgrunnsstoff

• Resultatoversikt hos FIS (engelsk)
• (en) Renée Colliard – Profil og resultatoversikt i olympiske konkurransar på sports-reference.com.

• Denne artikkelen bygger på «Renée Colliard» frå Wikipedia på tysk, den 17. januar 2012.