Respectable

Frå Wikipedia – det frie oppslagsverket
Respectable
Singel av The Rolling Stones
frå albumet Some Girls
Utgjeve 1978
Innspelt Oktober-desember 1977
Sjanger Rock and roll
Lengd 3:07
Selskap Rolling Stones/Virgin
Låtskrivar(ar) Jagger/Richards
Produsent The Glimmer Twins
The Rolling Stones-kronologi 
«Beast of Burden»
(1978)
Respectable «Shattered»
(1978)


«Respectable» er ein song av The Rolling Stones frå albumet deira Some Girls frå 1978. Han vart skriven av Mick Jagger og Keith Richards.

Jagger skreiv i omslaget til samleplata Jump Back i 1993 at dei var påverka av punkrocken då dei spelte inn Some Girls, og at dette gjorde seg utslag i ein meir aggressiv stil, som ein kan høyre i denne songen.

Songen vart spelt inn frå oktober til desember 1977. Han vart opphavleg skriven av Mick Jagger som ein treigare song, men gitarist Richards såg potensialet med å spele han raskare og gjere ein skikkeleg rockelåt ut av det. I følgje Jagger var songen «punk møter Chuck Berry».

« Well now you're a pillar of society; You don't worry about the things that you used to be; You're a rag-trade girl, you're the queen of porn; You're the easiest lay on the White House lawn; Get out of my life, don't come back »

Berre medlemmar frå bandet spelar på sine respektive instrument på songen, i tillegg til Jagger på gitar. «Respectable» vart gjeven ut som singel i Storbritannia 15. september 1978 og nådde 23. plassen der.

Ei konsertutgåve av songen frå 1997-1998-turneen deira vart gjeven ut på albumet No Security.

Salslister[endre | endre wikiteksten]

Liste (1978) Plassering
Irland (IRMA)[1] 16
Nederland (Nederlandsk Topp 40)[2] 18
Nederland (Mega Single Top 100)[3] 16
UK Singles (Official Charts Company)[4] 23

Bakgrunnsstoff[endre | endre wikiteksten]

Kjelder[endre | endre wikiteksten]

  1. "The Irish Charts – Search Results – Respectable". Irish Singles Chart. Retrieved 28. mars 2018.
  2. "Nederlandse Top 40 – The Rolling Stones - Respectable search results" (på nederlandsk) Nederlandsk Topp 40. Stichting Nederlandse Top 40. Henta 28. mars 2018.
  3. "Dutchcharts.nl – The Rolling Stones – Respectable" (på nederlandsk). Mega Single Top 100. Hung Medien / hitparade.ch. Henta 28. mars 2018.
  4. "Archive Chart" UK Singles Chart. Official Charts Company. Henta 28. mars 2018.