Revadim

Frå Wikipedia – det frie oppslagsverket
Revadim
landsby
Land  Israel
Region Den israelske kystsletta
Distrikt Det sørlege distriktet
Koordinatar 31°46′25.32″N 34°49′0.83″E / 31.7737000°N 34.8168972°E / 31.7737000; 34.8168972
Folketal 653 (2016)
Grunnlagd 1948
 - Grunnlagd av Hashomer-medlemmar
Tilhøyrsle Kibbutzrørsla
Kart
Revadim
31°46′25″N 34°49′01″E / 31.7737°N 34.816897222222°E / 31.7737; 34.816897222222
Wikimedia Commons: Revadim
Nettstad: http://www.revadim.org.il

Revadim (hebraisk skrift רְבָדִים) er ein kibbutz i Israel på den sørlege kystsletta. Han høyrer til Yoav regionale kommune og er tilknytt Hashomer Hatza'ir-rørsla.

Historie[endre | endre wikiteksten]

Revadim vart først grunnlagd den 14. februar 1947 som den fjerde busetnaden i Etzion-blokka i Hebronåsane. Han vart grunnlagd av pionergruppa Tsabar på eit område kjøpt av Jewish National Fund i Ein Abu Zeid og Shuweika.[1]

Den 13. mai 1948 vart landsbyen jamna med jorda av den arabiske legionen. Overlevande vart tekne som fangar til Jordan. Kibbutzen vart grunnlagd på ny på ein ny stad den 28. november 1948. Dei frigjevne krigsfangane slo seg saman med immigrantar frå Bulgaria og andre land.[2]

I 2002 hadde Revadim eit folketal på 296. Økonomien er basert på turisme og småindustri.

Arkeologi[endre | endre wikiteksten]

Tel Miqne-Ekron er ein av dei største jernalderstadane i Israel. Arkeologar har oppdaga over 100 oljepresser der, i tillegg til Ekron-inskripsjonen, som identifiserer staden som den filistinske Ekron. Tel Miqne (Khirbat al-Muqanna') er datert til 1100-talet fvt. Byen er nemnt i Josva 13:2-3 og I Samuel 5:10 i høve Paktas ark. Etter filistrane kom til området, vart Ekron ein festningsby som forsynte Egypt og Assyria med 700 tonn olivenolje i året, og gjorde han til den største olivenoljeprodusenten i det antikke Midtausten. Dei rekonstruerte filstinske gatene syner oljepresser, ei pottemakarskive og ein vev, som syner til ein aktiv tekstilindustri.[3]

Kjelder[endre | endre wikiteksten]

  1. Between Jerusalem and Hebron: Jewish Settlement i Pre-State Period, Yossi Katz, s.254-264.
  2. Jewish Virtual Library: Revadim
  3. A Reconstructed filistinarar Street, arkivert frå originalen 29. oktober 2011, henta 13. september 2015 

Bakgrunnsstoff[endre | endre wikiteksten]