Ricardo Villa

Ricardo Villa
Statsborgarskap	Argentina
Fødd	18. august 1952 (71 år) Roque Pérez
Idrett	fotball
Tok del i	VM i fotball 1978

Ricardo Julio Villa (fødd 18. august 1952) er ein argentinsk tidlegare fotballspelar frå småbyen Roque Pérez i Buenos Aires-provinsen. Han vart verdsmeister med Argentina sitt landslag under VM i fotball 1978.

Karriere

Klubbspel

Frå 1970 var Villa aktiv i fire ulike fotballklubbar i heimlandet, periodane 1974-76 for Atlético de Tucumán og 1976-78 Racing Club i Buenos Aires. Etter Fotball-VM 1978 tok Tottenham-trenaren Keith Burkinshaw kontakt og saman med landsmannen Osvaldo Ardiles vart han overført til London-klubben. Villa vert særleg hugsa for sin innsats i FA-cupfinalen 1981, der han fyrst gav Tottenham leiinga, for så å verte matchvinnar i kampen mot Manchester City med ei skåring der han dribla av fire City-spelarar, og så plassere ballen i mål under ei utrusande målvakt. Skåringa vart i 2001 kåra til det 20. hundreårets Wembley-mål. Han fekk ikkje delta i FA-cupfinalen 1982, då Storbritannia låg i krig med Argentina, den såkalla Falklandskrigen. Etter 1982 spelte Villa spilte vidare i Argentina, Colombia og USA før han avslutta i argentinsk fotball med Defensa y Justicia.

Landslagsspel

Villa aksla den argentinske landslagsdrakta 17 gongar i tida 1975-78, skåra eitt landslagmål. Under verdsmeisterskapen 1978 i heimlandet var han innbyttar i to kampar, ei turnering som enda med triumf for Argentinas lag.

Merittar

• Verdsmeister: 1978 med Argentina
• Vinnar av FA-cupen: 1981 for Tottenham

Kjelder

• Denne artikkelen bygger på «Ricardo Villa» frå Wikipedia på engelsk, den 12. april 2022.