Richard Tvedten
| Richard Tvedten | |
| Statsborgarskap | Noreg |
| Fødd | 5. oktober 1873 |
| Død | |
Richard Nilsen Tvedten (5. oktober 1873–19. juni 1936) var ein norsk gardbrukar frå Tjølling som representerte Vestfold fylkeskrins og Bondepartiet på Stortinget i åra 1925-30.
Tvedten var son til ein gardbrukar. Han utdanna seg 1895-97 ved Ås landbruksskule i Akershus. Sidan var han gardsstyrar 1899-1900 på Reistad i Sigdal og 1900-03 på Ringnes i Krødsherad. Nokre år var han så trelasthandlar. I 1908 kjøpte han garden Lunde i Tjølling, som han dreiv til han døydde. Han var både styreformann i Larviks Aktiemeieri & Handelslag og Larviks Andels Potetmelfabrik.
Tvedten var ein sentral person i Vestfold, då Landmannsforbundet frå 1920 la grunnen for Bondepartiet. Han var såleis formann i Brunla krins og 1921-28 av landsstyret i Bondepartiet. Hausten 1924 vart han vald til stortingsmann for Bondepartiet og Vestfold. Tre år seinare vart han attvald. Begge tingperiodane var han sekretær i Justiskomiteen.
Kjelder[endre | endre wikiteksten]
- Stortingsbiografi Arkivert 2017-04-11 ved Wayback Machine.