Ringenes herre: Atter en konge
 | |
| Regi | Peter Jackson |
|---|---|
| Forfattar(ar) | Robert Shaye, Mark Ordesky, Harvey Weinstein, Michael Lynne, Bob Weinstein  |
| Produsent(ar) | Barrie M. Osborne Peter Jackson Fran Walsh |
| Manus | Fran Walsh Philippa Boyens Peter Jackson |
| Basert på | Atter en konge |
| Medverkande | Elijah Wood Ian McKellen Viggo Mortensen Liv Tyler Miranda Otto John Rhys-Davies Sean Astin Andy Serkis Bernard Hill John Noble |
| Klipp | Jamie Selkirk |
| Musikk | Howard Shore |
| Sjeffotograf | Andrew Lesnie |
| Distributør | InterCom, New Line Cinema, Netflix |
| Utgjevingsdato | 1. desember 2003 |
| Lengd | 201 min. |
| Opphavsland | New Zealand |
| Språk | Engelsk, sindarin-alvisk |
| Budsjett | 94 millionar $ |
| Inntening | 1 140 682 011 US-dollar, 378 251 207 US-dollar |
Ringenes herre: Atter en konge (originaltittel: The Lord of the Rings: The Return of the King) er ein fantasy-spelefilm frå 2003 med regi av Peter Jackson. Dette er den siste filmen i filmtrilogien basert på Ringdrotten av J.R.R. Tolkien, og han kom ut 17. desember 2003 i USA. Filmen vart nominert til heile elleve Oscar-prisar, og vann alle kategoriane han var nominert i. Ein utvida versjon av Atter en konge kom ut på DVD i desember 2004.
Handling[endre | endre wikiteksten]
Frodo Lommelun (Elijah Wood) og Samvis Gamgod (Sean Astin) har no blitt ført heilt til grensa av landet Mordor ved hjelp av Gollum / Smýgol (Andy Serkis). Ringen blir stadig tyngre å bera for Frodo. Gollum fører dei til ei bratt trapp opp i fjella som skal ta dei inn i Mordor, men Samvis stoler mindre og mindre på at Gollum har ærlege hensikter.
Etter slaget ved Hjelmsdjupet rir Gandalv (Ian McKellen) og Pippin (Billy Boyd) til Minas Tirith i Gondor for å overtala forvaltaren av Gondor, Denethor (John Noble) til å ta i mot hjelp frå Rohan. Kong Théoden (Bernard Hill) samlar hærstyrkane sine for å dra til Minas Tirith. Elrond (Hugo Weaving) overleverer det omsmidde sverdet etter kong Isildur til Aragorn (Viggo Mortensen). Dette sverdet vart brukt til å skjera ringen av handa til Sauron i fortida. Aragorn har Isildur til stamfar og er hans rettmessige arving, og dermed arving til trona i Gondor. Saman med Legolas (Orlando Bloom) og Gimli (John Rhys-Davies) forlèt han hæren til Théoden og reiser til det heimsøkte fjellet Dwimmorberg. Det bryggjer opp til eit stort slag ved Minas Tirith mot styrkane til Sauron samtidig med at Frodo og Sam rykkjer lengre inn i fienden sitt territorium med ringen.
Rolleliste[endre | endre wikiteksten]
| Rolle | Skodespelar |
|---|---|
| Frodo Lommelun | Elijah Wood |
| Samvis Gamgod | Sean Astin |
| Gollum / Smýgol | Andy Serkis |
| Peregrin Tók | Billy Boyd |
| Muntiadok Brennibukk | Dominic Monaghan |
| Aragorn | Viggo Mortensen |
| Arwen | Liv Tyler |
| Elrond | Hugo Weaving |
| Legolas | Orlando Bloom |
| Gimli | John Rhys-Davies |
| Treskjegg (stemme) | John Rhys-Davies |
| Gandalv | Ian McKellen |
| Théoden | Bernard Hill |
| Éowyn | Miranda Otto |
| Éomer | Karl Urban |
| Boromir | Sean Bean |
| Faramir | David Wenham |
| Denethor | John Noble |
| Galadriel | Cate Blanchett |
| Celeborn | Marton Csokas |
| Ian Holm | Bilbo Lommelun |
Kjelder[endre | endre wikiteksten]
- Denne artikkelen bygger på «The Lord of the Rings: The Return of the King» frå Wikipedia på engelsk, den 12. juni 2015.
- Atter en konge på IMDb
- Filmen er brukt som kjelde for handlingsreferatet.