Ringkollstua

Frå Wikipedia – det frie oppslagsverket
Gå til: navigering, søk

Koordinatar: 60°09′59.4″N 10°23′17.1″E

Ringkollstua, februar 2008.

Ringkollstua er ei turisthytte og ein serveringsstad på Ringkollen i Nordmarka, i Ringerike kommune. Dagens hytte vart bygd i 1993 og ligg 600 moh. og står på Statens grunn.

Gamle Ringkollstua[endre | endre wikiteksten]

Gamle Ringkollstua vart bygd i 1895, og stod der Ringkollen kapell står i dag. Bygginga var ein følge av etableringa av Hønefoss og Omegn Turistforening i 1893. Foreininga kjøpte tomta i 1894, på det som heitte «Germundboseter» og året etter vart den første hytta sett opp. Det offisielle namnet var «Ringkollen Turisthotell», men den gjekk under namnet «Turisten». Bygninga vart bygd ut i fleire omgangar, og vart etterkvart både ein overnattingsstad og café. I 1949 kjøpte Skiforeninga Ringkollstua.[1]

Brann og gjenoppbygging[endre | endre wikiteksten]

Hausten 1970 brann Ringkollstua ned til grunnen. Først i 1976 vart branntomta rydda, og det vart etterkvart bestemt å bygge eit kapell på branntomta. Ringkollen kapell vart bygd i 1982, men den nye Ringkollstua vart ikkje bygd før i 1993, der ho står i dag.

Dagens situasjon[endre | endre wikiteksten]

Ringkollstua er eigd av Ringkollstua AS. Dei hadde òg ansvaret for drifta. Våren 2007 varsla styret i driftsselskapet at dei må legge ned drifta, fordi det ikkje er mogleg å drive lønnsamt.[2] Dei stengte derfor 1. juni 2007.

For å kunne drive lønnsamt ønskte styret å bygge ut med inntil 7 nye hytter, for å kunne handtere overnattingsgjester, og dermed andre typar arrangement.[3] Dagens reguleringsplan tillet ikkje slik utbygging. Ringerike kommune sendte ut eit forslag til ny reguleringsplan for Ringkollen til høring 2. mai 2007, eit framlegg både Buskerud Fylkeskommune og Miljøverndepartementet har kommetmed innseiingar på.[4] Kommunestyret vedtok til trass i innseiingane 21. juni 2007 ein ny reguleringsplan for Ringkollen, der dei opnar for utbygging av Ringkollstua. Dette vedtaket har Fylkeskommunen levert innseiing på til Miljøverndepartementet, noko dei fekk støtte for i februar 2008.[5]

Ringkollstua var stengt heile 2008. Det vert søkt andre løysingar, m.a. i samarbeid med Miljøverndepartementet, for å sikre drifta vidare.[6] Miljøvernminister Erik Solheim stadfesta 15. februar òg at Miljøverndepartementet ønskte at Ringkollstua skulle oppretthaldast som eit tilbod til allmennheita.[7]

I 2009 vart det lagt fram nye planar for utbygging der ein vil bygge eit tilbygg med 40 sengeplassar.[8] Frå 2009 til 2012 har Grand hotel på Hønfoss dreve Ringkollstua, men sa våren 2012 opp driftsavtalen.[9]. Nye drivarar tar over i 2012.[10] I 2012 har Miljøverndepartementet opna for overnatting på Ringkollstua og det betyr at arbeidet med ny reguleringsplan kan starte.[11]

Kjelder[endre | endre wikiteksten]

Bakgrunnsstoff[endre | endre wikiteksten]

Referanser[endre | endre wikiteksten]

  1. Per Ole Rønning. «Ringkollstua eller "Turisten" som bygdefolk kalte Ringkollstua». Øyangen vel. Henta 25.02.2008. 
  2. Elin Harstad Iversen (21.03.2007). «Må stenge Ringkollstua». Ringerikes Blad. Henta 26.02.2008. 
  3. Espen Ødegård Iversen (18.11.2006). «Ringkollstua kan bli stengt». Ringerikes Blad. Henta 26.02.2008. 
  4. «Ringkollstua kan bli stengt». Ringerike kommune. 18.11.2006. Henta 26.02.2008. 
  5. Erik Solheim (07.02.2008). «Ringerike kommune - innsigelse til reguleringsplan for Ringkollen». Regjeringen.no. Henta 26.02.2008. 
  6. Anne Gro Christensen (15.02.2008). «Håp for Ringkollstua». Ringerikes Blad. Henta 26.02.2008. 
  7. Erik Solheim (15.02.2008). «Svar på spørsmål nr. 628 om Ringkollstua». Regjeringen.no. Henta 26.02.2008. 
  8. http://www.ringblad.no/nyheter/article4436470.ece Ringerike blad
  9. http://www.ringblad.no/nyheter/article4630956.ece Ringerike blad
  10. http://www.ringblad.no/nyheter/article6125972.ece
  11. http://www.ringblad.no/nyheter/article5927408.ece Ringerike blad

Kjelder[endre | endre wikiteksten]