Rob Davis

Frå Wikipedia – det frie oppslagsverket
Rob Davis

Fødd1. oktober 1947 (76 år)
FødestadCarshalton, Surrey, England
FødenamnRobert Berkeley Davis
OpphavStorbritannia
AktivSidan 1962
SjangerGlamrock
InstrumentGitar, klaverinstrument
Tilknytte artistarMud, The Tremeloes, Darts, Kylie Minogue, Spiller, Jan Johnston, Paul Oakenfold, Cathy Dennis, Rachel Stevens, Holly Valance, Klaxons
Verka somMusikar, songar-låtskrivar

Robert Berkeley Davis (fødd 1. oktober 1947) er ein engelsk gitarist og låtskrivar.

Han var opphavleg medlem i den engelske rockegruppa Mud.[1][2] Som medlem av bandet skreiv han mange av songane til Mud, men det var først etter bandet var oppløyst at han fekk størst suksess som låtskrivar.

Etter å ha møtt Paul Oakenfold seint i 1980-åra skifta han sjanger frå rock til club- og dance. Han arbeidde med Coco Star og skreiv «I Need a Miracle», som nådde 39. plassen i Storbritannia i 1997.[3][4] I 2000 oppnådde han størst suksess som låtskrivar då denne songen vart blanda med Fragma sin «Toca Me» til «Toca's Miracle». Denne gjekk til topps på den britiske og skotske singellista den 10. april.[5][6] Davis skreiv tekst til Spiller-songen «Groovejet (If This Ain't Love)». Denne songen gjekk til topps på listene i fem land, inkludert Storbritannia, Australia og New Zealand.[7][8]

Davis og Cathy Dennis skreiv «Can't Get You Out of My Head» for Kylie Minogue. Denne songen gjekk til topps i alle land i Europa utanom eitt i 2001 og selde over fire millionar eksemplar.[9][10] Davis og Dennis vann Ivor Novello-prisen for songen det året.[11] Songen vart opphavleg skriven for Sophie Ellis-Bextor, men ho avviste songen. I 2004 vann Davis Grammy-prisen i lag med medprodusenten Philip Larsen og Minogue for ein annan Minogue-singel, «Come into My World», i kategorien for beste dance-song.[12] Songen nådde fjerdeplassen i Australia og nådde åttandeplassen i Storbritannia.[13][14]

Han arbeidde òg med Jan Johnston og var medlåtskrivar på songen «One Foot Boy» av Mika på albumet The Boy Who Knew Too Much (2009).[15]

Kjelder[endre | endre wikiteksten]

  1. «Dave Mount». The Telegraph. 6. januar 2007. Henta 19. mars 2022. 
  2. «The Mud Story». MudRock.co.uk. Henta 19. mars 2022. 
  3. «Coco – I Need A Miracle». Discogs. Henta 19. mars 2022. 
  4. «I Need a Miracle». Official Charts Company. Henta 19. mars 2022. 
  5. «Official Scottish Singles Sales Chart Top 100». Official Charts Company. Henta 19. mars 2022. 
  6. «Official UK Singles Sales Chart Top 100». Official Charts Company. Henta 19. mars 2022. 
  7. «Spiller – Groovejet (If This Ain't Love)». Discogs. Henta 19. mars 2022. 
  8. «Spiller – Groovejet (If This Ain't Love) (Song)». Australian Charts. Henta 19. mars 2022. 
  9. «I Wrote That: Can't Get You Out of My Head». M Magazine. 26. september 2011. Arkivert frå originalen 26. juni 2019. Henta 26. juni 2019. 
  10. «Can't Get You Out of My Head - Kylie Minogue | Listen, Appearances, Song Review». AllMusic. Henta 19. mars 2022. 
  11. «Kylie triple winner at Ivor Novello awards». The Guardian. Guardian News and Media Limited. 23. mai 2002. Henta 12. oktober 2008. 
  12. «Rob Davis | Awards». AllMusic. 1. oktober 1947. Henta 19. mars 2022. 
  13. «Kylie Minogue - Come Into My World (Song)». Australian Charts. Henta 26. juni 2019. 
  14. «Kylie Minogue». Australian Charts. Henta 26. juni 2019. 
  15. Heather Phares (22. september 2009). «The Boy Who Knew Too Much - Mika | Songs, Reviews, Credits, Awards». AllMusic. Henta 19. mars 2022.