Robert Bly

Frå Wikipedia – det frie oppslagsverket
Hopp til navigering Hopp til søk
Robert Bly
Poetry Out Loud MN finals 27.jpg
Fødd 23. desember 1926
Madison
Yrke språkforskar, lyrikar, omsetjar, skribent
Ektefelle Carol Bly

Robert Elwood Bly (fødd 23. desember 1926) er ein amerikansk forfattar frå Minnesota. Han har også verka som psykolog.

Bly har gjeve ut over 40 diktsamlingar og redigert ei rekkje antologiar. Han har gjendikta verka frå norsk, svensk, tysk, spansk, persisk og urdu. I 2008 blei han utnmend til den første poet laureaten i Minnesota.[1] I 2013 blei han tildelt Robert Frost-medaljen av Poetry Society of America.[2]

Liv[endre | endre wikiteksten]

Bly var fødd i Lac qui Parle County i Minnesota, og har budd det meste av livet sitt nær Madison, den største byen i fylket.[3] Foreldra, Jacob og Alice Bly, hadde norske anar.[4] Forfedrane hans skal koma frå Bleie i Hardanger.

Etter å ha fullført high school i 1944 blei Bly med i marinen, der han var i to år. Deretter studerte han i eit år ved St. Olaf College i Minnesota før han blei student ved Harvard University. Mange seinare kjende forfattarar var der samtidig med han, som Donald Hall, Will Morgan, Adrienne Rich, Kenneth Koch, Frank O'Hara, John Ashbery, Harold Brodkey, George Plimpton og John Hawkes. Han gjekk ut frå Harvard i 1950 og budde nokre år i New York.[5]

I 1954 byrja Bly på eit toårig studium ved University of Iowa, der han tok ein mastergrad ved Writers Workshop saman med mellom anna W.D. Snodgrass og Donald Justice. I 1956 fekk han høve til å dra til Noreg for å omsetja norsk litteratur ved hjelp av Fulbright-programmet. I Noreg fann han både norske slektningar og blei kjend med mange typar utanlandsk litteratur som då var ukjend i USA. Bly bestemte seg for å skipa eit litterært tidsskrift for diktomsetjing i USA. Dette blei til blada The Fifties, The Sixties og The Seventies. Bly introduserte samtidige diktarar som Pablo Neruda, Cesar Vallejo, Antonio Machado, Gunnar Ekelof, Harry Martinson, Georg Trakl og eldre diktatar som Rumi, Hafez, Kabir og Mirabai for sin generasjon. Han skreiv også om amerikanske diktarar i blada.

Tilbake i USA slo Bly seg ned på ein gard i Minnesota, der han budde med kone og barn. Den første kona hans var den prisvinnande forfattaren Carol Bly. Dei fekk fire barn, mellom dei forfattaren og litteraturprofessoren Mary Bly, men skilde seg i 1979. I 1980 gifta Bly seg med Ruth Counsell.[4]

Bly engasjerte seg sterkt i kampen mot Vietnamkrigen, og var med på å skipa organisasjonen The American Writers Against the Vietnam War i 1966. I 1968 skreiv han under på erklæringa Writers and Editors War Tax Protest, der dei underteikna nekta å betala skatt i protest mot krigen.[6] Då han tok imot National Book Award for The Light Around the Body i 1968[7] kunngjorde Bly at han kom til å gje 1000 dollar av prispengane til organisasjonar som kjempa mot militærinnkallinga.[8]

Bly har gjeve ut eit stort tal verk: poesi, mange omsetjingar frå skandinaviske og andre språk, prosa og faglitteratur. Han har omsett mellom anna Knut Hamsun, Olav H. Hauge og Tomas Tranströmer til engelsk. Iron John frå 1990 ( Mannen i norsk omsetjing fra 1992) er ei bok om mannleg psykologi som fekk stor merksemd, og var lenge ved toppen av dei amerikanske bestseljarlitene. Bly har vore særs oppteken av mannsrolla, og har drive mykje seminar- og konferanseverksemd kring dette emnet.[3]

Bly fekk i 2008 Amboltprisen for arbeidet sitt med å gjera Hauge si dikting kjend.

Verk[endre | endre wikiteksten]

Dikt

  • Stealing Sugar from the Castle: the Selected Poems of Robert Bly (Norton 2013)
  • Turkish Pears in August: Twenty-Four Ramages (Eastern Washington University Press, 2007)
  • The Urge to Travel Long Distances (Eastern Washington University Press, 2005)
  • My Sentence Was a Thousand Years of Joy (HarperCollins, 2005) – norsk gjendiktning – Dei dømde meg til tusen år i glede. Gjendikting ved Odd Goksøyr og etterord ved Øyvind Vågnes (2015) (Ura Forlag)
  • The Night Abraham Called to the Stars (HarperCollins, 2001) – norsk gjendiktning – Den natta Abraham ropte til stjernene. Gjendikting ved Odd Goksøyr og etterord ved Per Olav Kaldestad (2014) (Ura Forlag)
  • Eating the Honey of Words: New and Selected Poems (1999)
  • Snowbanks North of the House (1999)
  • Morning Poems (1997) – norsk gjendiktning – Morgondikt: prosadikt og dikt frå nittitalet. Utval, gjendikting og etterord ved Helge Torvund Samlaget (1999)
  • Meditations on the Insatiable Soul (1994)
  • What Have I Ever Lost by Dying?: Collected Prose Poems (1992)
  • Loving a Woman in Two Worlds (1985)
  • Selected Poems (1986)
  • Mirabai Versions (1984)
  • The Man in the Black Coat Turns (1981)
  • This Tree Will Be Here for a Thousand Years (1979)
  • This Body is Made of Camphor and Gopherwood (1977)
  • Old Man Rubbing His Eyes (1974)
  • Jumping Out of Bed (1973)
  • Sleepers Joining Hands (1973)
  • Odin House, Madison, Minnesota. Dikt av Robert Bly. Gjendikting av Tor Obrestad Olav H. Hauge, Paal- Helge Haugen og Einar Økland(1972) (Samlaget)
  • The Light Around the Body (1967)- som vant National Book Award
  • The Lion's Tail and Eyes (1962)
  • Silence in the Snowy Fields (1962)

Antologiar

  • The Best American Poetry (1999)
  • The Soul Is Here for Its Own Joy: Sacred Poems from Many Cultures, Ecco Press (1995)
  • The Darkness Around Us Is Deep: Selected Poems of William Stafford (1993)
  • The Rag and Bone Shop of the Heart: Poems for Men (1992)
  • News of the Universe (1980)
  • Leaping Poetry (1975)
  • A Poetry Reading Against the Vietnam War (1967)

Oversettelser til engelsk

  • Peer Gynt (verse play) – by Henrik Ibsen (2008)
  • The Winged Energy of Delight: Selected Translations, HarperCollins (2004)
  • The Half-Finished Heaven: The Best Poems of Tomas Tranströmer, Graywolf Press (2001)
  • The Lightning Should Have Fallen on Ghalib: Selected Poems of Ghalib, (with Sunil Dutta, 1999)
  • Lorca and Jiménez: Selected Poems, Beacon Press (1997)
  • Ten Poems of Francis Ponge Translated by Robert Bly & Ten Poems of Robert Bly Inspired by the Poems of Francis Ponge (1990)
  • Trusting Your Life to Water and Eternity: Twenty Poems of Olav H. Hauge (1987)
  • Machado's Times Alone: Selected Poems (1983)
  • Eight Stages of Translation (1983)
  • The Kabir Book (1977)
  • Friends, You Drank Some Darkness: Three Swedish Poets — Martinson, Ekeloef, and Transtromer (1975)
  • Neruda and Vallejo: Selected Poems (1971)
  • Hunger (novel) — by Knut Hamsun (1967)

Sakprosa

  • Remembering James Wright (2005)
  • The Maiden King : The Reunion of Masculine and Feminine (co-authored with Marion Woodman), Henry Holt & Co (November 1998) ISBN 0-8050-5777-3
  • The Sibling Society, Addison-Wesley (1996)
  • The Spirit Boy and the Insatiable Soul (1994)
  • American Poetry: Wildness and Domesticity (1991)
  • Iron John: A Book About Men (1990) ISBN 0-201-51720-5, Norsk utgave Mannen, Gyldendal (1992)
  • A Little Book on the Human Shadow, (med William Booth, 1988)
  • Talking All Morning: Collected Conversations and Interviews (1980)

Prisar og utmerkingar[endre | endre wikiteksten]

(utval)

Kjelder[endre | endre wikiteksten]

  1. «A Poet Laureate for Minnesota». The New York Times. 1. mars 2008. Henta 2. mars 2008. 
  2. 2,0 2,1 Aly Vander Hayden (14. februar 2013). «Robert Bly's "distinguished lifetime achievement"». Melville House Publishing. Henta 14. februar 2013. 
  3. 3,0 3,1 «Robert Elwood Bly». Store norske leksikon (på norsk). 13. november 2017. 
  4. 4,0 4,1 Johnsen, Bill (June 2004). «The Natural World is a Spiritual House» (PDF). Colloquium on Violence and Religion Annual Conference 2004. Girardian Reflections on the Lectionary. Arkivert frå originalen (PDF) July 4, 2007. Henta April 30, 2007. 
  5. «A Short Biography of Robert Bly», www.robertbly.com, henta 18. mars 2019 
  6. "Writers and Editors War Tax Protest", New York Post, 30. januar 1968.
  7. 7,0 7,1 "National Book Awards – 1968". National Book Foundation. Henta 3. mars 2012. (With acceptance speech by Bly and essay by Patrick Rosal from the Awards 60-year anniversary blog.)
  8. Bly, Robert. «National Book Awards acceptance speech». National Book Foundation. Henta January 28, 2015. 

Bakgrunnsstoff[endre | endre wikiteksten]

Informasjon[endre | endre wikiteksten]

Kritikk[endre | endre wikiteksten]