Rocky Raccoon
| Rocky Raccoon Song av The Beatles frå albumet The Beatles | ||
| Utgjeve | 22. november 1968 | |
| Innspelt | 15. august 1968 | |
| Sjanger | Country[1], honkytonk | |
| Lengd | 3:33 | |
| Selskap | Apple Records | |
| Komponist | John Lennon, Paul McCartney | |
| Tekstforfattar | John Lennon, Paul McCartney | |
| Låtskrivar(ar) | Lennon–McCartney | |
|---|---|---|
| Produsent | George Martin | |
«Rocky Raccoon» er ein song av The Beatles på dobbeltalbumet The Beatles (White Album) frå 1968. Han er skriven av Paul McCartney, men som vanleg tilskriven Lennon/McCartney.
McCartney fekk inspirasjon til songen då han spelte gitar for John Lennon og Donovan i India. The Beatles og vener var i 1968 her for å studere transcendental meditasjon.
Charles Manson feiltolka (som med andre Beatles-songar) «Rocky Raccoon» til å vere føreseieleg om rasekrig mellom kvite og svarte. Då tilhengjarane til Manson massakrerte Sharon Tate og andre den 9. august 1969 prøvde dei å få massakren til å sjå ut som om afroamerikanske menn var skuldige ved å legge igjen førarkortet til ein svart mann.
Songen, som ei stund heitte «Rocky Sassoon», er ei parodisk western-historie, støtta opp av eit tidstypisk honky-tonk piano spelt av produsent George Martin. Teksten har fleire teatralske element, som «Her name was Magill / and she called herself Lill / but everyone knew her as Nancy,» og fleire referansar til Gideons bibel. Gideon Society er ei gruppe som plasserer biblar på hotell.
- Now somewhere in the black mountain hills of Dakota
- There lived a young boy named Rocky Raccoon
- And one day his woman ran off with another guy
- Hit young Rocky in the eye, Rocky didn't like that
- He said I'm gonna get that boy
- So one day he walked into town
- Booked himself a room in the local saloon.
Då Lennon vart spurt om songen sa han bitande: «Trur du verkeleg eg kunne ha skrive ein song om Gideons bibel og slike ting?»
Medverkande[endre | endre wikiteksten]
- Paul McCartney – solovokal, akustisk gitar, bass[2]
- John Lennon – korvokal, harmonium, 6-strengsbass, munnspel
- George Harrison – korvokal
- Ringo Starr – trommer
- George Martin – honkytonkpiano
- Personell per Ian MacDonald[3]
Sjå òg[endre | endre wikiteksten]
- «Piggies» av George Harrison frå same album.
Bakgrunnsstoff[endre | endre wikiteksten]
Kjelder[endre | endre wikiteksten]
- Denne artikkelen bygger på «Rocky Raccoon» frå Wikipedia på bokmål, den 8. februar 2009.
- MacDonald, Ian (2005). Revolution in the Head: The Beatles' Records and the Sixties (Second Revised utg.). London: Pimlico (Rand). ISBN 1-84413-828-3.
- ↑ Stephen Thomas Erlewine. «The Beatles [White Album] - The Beatles | Songs, Reviews, Credits, Awards». AllMusic. Henta 16. mars 2018.
- ↑ «Rocky Raccoon». The Beatles Bible (på engelsk). 16. mars 2008. Henta 4. mars 2018.
- ↑ MacDonald 2005, s. 308.