Rod Milburn

Frå Wikipedia – det frie oppslagsverket
Hopp til navigering Hopp til søk
Rod Milburn
Rod Milburn c1972.jpg
Fødd 18. mai 1950
Opelousas
Død

11. november 1997
Port Hudson, Louisiana

Yrke hekkeløper
Rod Milburn på Commons

Rodney Milburn, kjend som Rod Milburn, (18. mars 195011. november 1997) var ein USA-amerikansk friidrettsutøvar som vart olympisk meister på 110 meter hekk i 1972.

Milburn melde seg på verdseliten då han som 20-åring oppnådde 13,5 på korthekken i 1970. Dei neste tre sesongane var han verdas beste korthekkløpar. I 1971 sette han ny verdsrekord på 120 yards hekk i Eugene med tida 13,0, og vann 110 m hekk under dei panamerikanske leikane i Cali i Colombia.

I OL-sesongen 1972 kvalifiserte Milburn seg til OL-tur med knapp margin, då han vart nummer tre i uttakingstevlinga heime i USA. Derimot imponerte han stort i München og vann 110 meter hekk på 13,24 sekundar, ei tid som fem år seinare vart godkjend som den fyrste verdsrekorden i elektronisk tid. Franskmannen Guy Drut vart nummer to på 13,34.

Milburn tangerte i 1973 sin eigen verdsrekord på 120 yards, før han i byrjinga av juli månad i Zürich vart den fyrste hekkeløparen som fekk notert 13,1, manuell tid, på 110 meter hekk. Også i 1975 stod han for det snøggaste hekkeløpet i verda, men lukkast ikkje kvalifisere seg til Sommar-OL 1976.

Han heldt fram å tevle til 1984, nokre år også som profesjonell.

Milburn, som var fødd i Opelousas i Louisiana, omkom i ei arbeidsulukke på ein papirfabrikk i Port Hudson, også Louisiana. Han arbeidde åleine på eit 12 timar langt nattskift, og vart forgifta/forbrend då han hadde falle i eit kar med natriumklorat.

Kjelder[endre | endre wikiteksten]