Bryne vidaregåande skule

Frå Wikipedia – det frie oppslagsverket
(Omdirigert frå Rogaland off. landsgymnas)
Hopp til navigering Hopp til søk

Bryne vidaregåande skule er ein offentleg vidaregåande skuleBryne i Time kommune.

Historikk[endre | endre wikiteksten]

Rogaland Landsgymnas vart etablert 1. september 1924 med 22 elevar og to lærarar. Landsgymnaset starta opp i det nye folkeskulebygget som Time kommune hadde reist i åra 1922-23.

Hausten 1946 flytta gymnaset inn i nybygget som var ferdigstilt under krigen. I 1947 vart Rogaland Landsgymnas teke over av det staten og endra namn til Rogaland offentlege Landsgymnas.

Elevtalet auka og skuleåret 1962/63 var det 830 elevar. I 1960 hadde elevane teke i bruk ei ny klasseromsfløy, og to år seinare vart det reist ei vinkelfløy. I 1964 stod ein idrettshall ferdig.

I 1960 hadde gymnaset gått i gang med tre nye liner: latinline, som det hadde vore ved skulen før 1945, naturfagline og økonomisk line. Desse linene kom i tillegg til real- og engelsklina. Nokre tider var det òg liner for gresk og norrønt ved skulen.

I 1965 vart skulen teke over av Rogaland fylke og han fekk sitt tredje namn, Bryne Gymnas. I 1975 vart namnet endra til Bryne vidaregåande skole, og i 1994 til Bryne vidaregåande skule.

I 2015 slo skulen seg saman med yrkesskulen Time vidaregåande skule og etablerte seg i nye bygg ved Hetlandsgata på Bryne. Den nye skulen har rundt 1500 elevar og er den største i Rogaland. Han er lokalisert i same kvartalet som Garborgsenteret og Forum Jæren.

Litteratur[endre | endre wikiteksten]

Bakgrunnsstoff[endre | endre wikiteksten]