Roger Byrne

Frå Wikipedia – det frie oppslagsverket
Hopp til navigering Hopp til søk
Roger Byrne
Statsborgarskap Storbritannia
Fødd 8. september 1929
Gorton
Død

6. februar 1958
München

Idrett fotball
Yrke fotballspelar

Roger William Byrne (8. februar 19296. februar 1958) var ein britisk-engelsk fotballspelar frå Manchester, ligameister med Manchester United i 1956 og 1957. Han var ein av dei åtte Manchester United-spelarane som omkom i ei flyulukke ved München.

Klubbspel[endre | endre wikiteksten]

Byrne var proffspelar i Manchester United frå hausten 1951. Han spelte seg snøgt til fast plass i forsvarsrekka til laget og var kaptein i United frå 1955. Både våren 1956 og våren etter førte han klubben til ligapokal i England. Den 4. mai 1957 gjekk han derimot på tap i FA-cupfinalen mot Aston Villa med 1-2, ein kamp der han og lagkameratane hans måtte spele så å seie heile kampen med 10 mot 11, etter at United-målvakta vart skadd tidleg i oppgjeret.

Landslagsspel[endre | endre wikiteksten]

Byrne spelte 33 landskampar for England, skåra ingen mål. Frå debuten i Glasgow mot Skottland, 3. april 1954, til sin siste landskamp 27. november 1957, eit heimemøte mot Frankrike, deltok han i samtlege av Englands landskampar. Denne lange uavbrotne landslagsrekka har ingen andre England-spelarar gjort han etter. Byrne var såleis med i alle Englands VM-kampar i 1954, ei turnering der laget rauk ut i kvartfinalane.

Byrne og sju andre Manchester United-spelarar omkom då eit rutefly styrta ved ein flyplass i München. Spelarane var på veg heim frå ein europacupkamp i Beograd.

Merittar[endre | endre wikiteksten]

  • Engelsk ligameister: 1956 og 1957 med Manchester United
  • Finaletap i FA-cupen: 1957 med Manchester United

Kjelder[endre | endre wikiteksten]