Roger Ruud
| Roger Ruud | |
| Statsborgarskap | Noreg |
| Fødd | 1. oktober 1958 (65 år) Hurdal kommune |
| Idrett | skihopping |
| Tok del i | |
Roger Ruud (fødd 1. oktober 1958) er ein norsk tidlegare skihoppar frå Hurdal som tevla for Lensbygda Sportsklubb.
Han vann ni verdscuprenn, det fyrste i 1980 og det siste i 1985. Den mest vellukka sesongen kom i 1981, då han vann fem tevlingar i verdscupen. Mellom anna vann han Holmenkollrennet og kom på 2. plass samanlagt i verdscupen, bak austerrikaren Armin Kogler. I 1982 sigra han i nyttårshopprennet i Garmisch-Partenkirchen og vart samanlagt nummer 2 i den tysk-austerrikske hoppveka. Ruud vart noregsmeister 1981 i stor bakke, og 1982 og 1986 i normal bakke. Han vann elles to sølvmedaljar og fire bronsemedaljar under noregsmeisterskapane.
Ruud vart nummer ni og beste nordmann i normalbakken under verdsmeisterskapen 1978 i Lahti. Under vinter-OL 1980 i Lake Placid var han beste nordmann i begge hopprenna. I storbakken vart han då nummer seks og i normalbakken nummer 13. Under ski-VM i Oslo 1982 kom han som fire år tidlegare på niandeplassen i rennet i normalbakken.
Besteplasseringar i internasjonale meisterskap og renn[endre | endre wikiteksten]
- 1977: Nr 11 i Holmenkollen
- 1978: Nr 9 i VM i normal bakke i Lahti
- 1979: Nr 2 i Innsbruck
- 1980: Siger i St. Moritz, nr 2 i Gstaad
- 1981: Fem sigrar (Harrachov, Liberec, Chamonix, St. Nizier, Holmenkollen), ein andre- og tre tredjeplassar
- 1981/82: To sigrar (Cortina d'Ampezzo og Garmisch-Partenkirchen) og ein tredjeplass
- 1983: Nr 2 i Gstaad
- 1983/84: Nr 7 i Oberstdorf
- 1985: Siger i Cortina d`Ampezzo
- 1986: Nr 14 i St. Moritz
Medaljar og besteplasseringar i noregsmeisterskap[endre | endre wikiteksten]
- Ski-NM 1975: Nr 8 i normalbakken i Rælingen
- Ski-NM 1977: Sølvmedalje i storbakken på Odnes
- Ski-NM 1978: Bronsemedalje i storbakken på Lillehammer
- Ski-NM 1979: Nr 4 i begge bakkane; høvesvis i Sprova og i Bærum
- Ski-NM 1980: Sølvmedalje i normalbakken i Asker, bronsemedalje i storbakken i Meldal
- Ski-NM 1981: Gullmedalje i storbakken på Odnes
- Ski-NM 1982: Gullmedalje i normalbakke på Raufoss, bronsemedalje i storbakken på Rena
- Ski-NM 1983: Nr 9 i storbakken på Lillehammer
- Ski-NM 1985: Bronsemedalje i normalbakken i Bardu
- Ski-NM 1986: Gullmedalje i normalbakken på Vang
- Ski-NM 1987: Nr 4 i storbakken på Odnes
Ymse[endre | endre wikiteksten]
Roger Ruud har også vunne tre noregsmeisterskap i roadracing.
Bakgrunnsstoff[endre | endre wikiteksten]
- «Roger Ruud» (på engelsk). Olympedia.