Rognes

Rognes
stad
Rognes Foto: Ezzex
Land	Noreg
Fylke	Trøndelag
Kommune	Midtre Gauldal kommune
Postnummer	7295 ROGNES
Rognes 63.006944444444°N 10.4525°E / 63.006944444444; 10.4525

Rognes er ei bygd i Midtre Gauldal kommune. Bygda ligg om lag ei mil sør for Støren, i retning Røros. Fylkesveg 30 går gjennom Rognes.

Staden med knapt 200 innbyggjarar ligg like ved elva Gaula, som har ei rekkje gode laksevald i dette området. Elva Bua frå Budalen renn ut i Gaula ved Rognes. Landbruk er hovudnæring på Rognes. Tidlegare var det òg skofabrikk, ryggsekkfabrikk og mekanisk verkstad her.

På Rognes var det fleire grendaskular, men i 1955 vart alle samla i Aune skole som låg på vestsida av Gaula. Seinare vart det bygd ny skule på austsida. Etter fleire rundar med nedleggingsdiskusjonar vart skulen til slutt lagt ned i 1999. Skuleborn frå Rognes dreg no til Støren for å gå på skule.

Rognes er heimstaden til skiløparen Marit Bjørgen.