Rolf Storsveen
| Rolf Storsveen | |
| Statsborgarskap | Noreg |
| Fødd | 22. april 1959 (65 år) Elverum |
| Idrett | skiskyting |
| Tok del i |
biathlon at the 1984 Winter Olympics – relay |
Rolf Storsveen (fødd 22. april 1959) er ein norsk tidlegare skiskyttar frå Elverum som vann to sølvmedaljar i stafettøvinga i store internasjonale meisterskap, fyrst i VM 1982 og så i OL 1984. Han vart noregsmeister på 20 km i 1981. Storsveen var medlem i Sørskogbygda Idrettslag.
Aktiv[endre | endre wikiteksten]
Saman med Eirik Kvalfoss, Kjell Søbak og Odd Lirhus vann han sølv på 4 x 7,5 km stafett då VM i skiskyting 1982 fann stad i Minsk i dåverande Sovjetunionen. Både den gongen, og to år seinare under Vinter-OL 1984 i Sarajevo, gjekk han tredjeetappen for Noregs sølvlag på stafetten, OL-mannskapet var også identiske med sølvgutane frå Minsk-VM. Under OL i Sarajevo vart Storsveen elles nummer seks på 20 km normalprogram.
Storsveen vann eit NM-gull på 20 km i Målselv i 1981, i same noregsmeisterskapen sikra han seg sølvmedaljen på 7,5 km. I NM 1984 på Voss fekk han sølvet på 20 km, heimefavoritten Eirik Kvalfoss vann rennet.
Storsveen la opp allereie i 1985.
Kjelder[endre | endre wikiteksten]
- Sportsboken, aktuelle årgangar
Bakgrunnsstoff[endre | endre wikiteksten]
- «Rolf Storsveen» (på engelsk). Olympedia. Henta 22. juni 2022.