Hopp til innhald

Romaleidae

Frå Wikipedia – det frie oppslagsverket
Romaleidae
Dracotettix monstrosus
Dracotettix monstrosus
Systematikk
Rike: Dyr Animalia
Rekkje: Leddyr Arthropoda
Underrekkje: Seksfotingar Hexapoda
Klasse: Insekt Insecta
Orden: Rettvenger Orthoptera
Underorden: Caelifera
Overfamilie: Acridoidea
Familie: Romaleidae
Pictet & Saussure, 1887
Titanacris albipes, ein særs stor art med blå bakvenger
Romalea guttata finst i det austlege Nord-Amerika

Romaleidae er ei gruppe av rettvengene (Orthoptera) og tilhøyrer ei familiegruppe blant grashoppene.

Utsjånad[endre | endre wikiteksten]

Gruppa omfattar middelsstore til særs store (nokre artar over 25 cm lange), kraftige grashopper. Denne familien omfattar dei største grashoppene. Nokre artar er kamuflasjefarga, medan andre er ganske fargerike, ofte mørkbrune med raude flekker. Bakbeina er kraftige hoppebein og leggane er piggete. Flygevengene er vanlegvis velutvikla og ofte skarpt raude.

Levevis[endre | endre wikiteksten]

Ein kan finna familien i mange ulike miljø, frå ørken til tropisk regnskog. Nokre artar lever på bakken, men det finst òg artar som lever oppe i trekronene. Familien er planteeterar, og nokre artar kan gjera noko skade i tropisk jordbruk. Mange artar har sterke fargar som signaliserer at dei er giftige (aposematisme), særleg gjeld dette nymfene. Nokre kan laga ein kvesande lyd når dei blir forstyrra, eller skilje ut eit giftig skum frå spirakla (andehola) på sida av kroppen.

Utbreiing[endre | endre wikiteksten]

Romaleidae har flest artar i tropiske og varm-tempererte område av Amerika. Vidare finst det nokre få artar i tropisk Asia. Dei finst ikkje i Afrika, Europa og Australia.

Systematisk inndeling[endre | endre wikiteksten]

Treliste
  • Flygande insekt (Pterygota)
    • Neoptera («nyvinger»)
      • Orthopteroida
        • Orden rettvenger (Orthoptera)
          • Underorden grashopper (Caelifera)
            • Overfamilie Acridoidea
              • Familie Romaleidae Brunner von Wattenwyl, 1893.॥॥93.
                • Underfamilie Bactrophorinae Amédégnato, 1974 – ca. 195 artar
                  • gruppe Bactrophorini Amédégnato, 1974 – 17 artar
                  • gruppe Ophthalmolampini Descamps, 1977 – 155 artar
                  • gruppe Taeniophorini Brunner von Wattenwyl, 1893 – 23 artar
                • Underfamilie Romaleinae Brunner von Wattenwyl, 1893 – ca. 265 artar
                  • gruppe Eurostacrini Amédégnato, 1997 – 5 artar
                  • gruppe Hisychiini Descamps, 1979 – 15 artar
                  • gruppe Leguini Amédégnato & Poulain, 1986 – 4 artar
                  • gruppe Phaeopariini Gigli-Tos, 1898 – 40 artar
                  • gruppe Procolpini Giglio-Tos, 1898 – 17 artar
                  • gruppe Romaleini Brunner von Wattenwyl, 1893 – 169 artar
                  • gruppe Trybliophorini Giglio-Tos, 1898 – 12 artar
                  • slekta Quitus Hebard, 1924 (ikkje plassert til gruppe) – 3 artar

Kjelder[endre | endre wikiteksten]

Bakgrunnsstoff[endre | endre wikiteksten]

Commons har multimedium som gjeld: Romaleidae