Romania i Eurovision Song Contest

Frå Wikipedia – det frie oppslagsverket
Hopp til navigering Hopp til søk
Romania
EuroRomania.svg
Offisielt Romania

TVR
Uttakingar
Nasjonalt 20
Internt 1
Deltaking
Debutår 1994
Deltakingar 21
Beste resultat
Semifinalen 1 (2005)
Finalen 3 (2005 og 2010)
Verste resultat
Semifinalen 13 (2019)
Finalen 22 (1998)
Poeng
Semifinalane 1 380
Finalane 1 470
Totalt 2 850

Romania debuterte i Eurovision Song Contest i 1994 og har delteke 20 gongar. Romania har aldri vunne Eurovision Song Contest, men har to tredjeplassar som beste plassering. Den dårlegaste plasseringa til Romania kom i 1998, då Romania kom på 22.-plass. Etter innføringa av semifinalar i Eurovision Song Contest i 2004, kvalifiserte Romania seg til finalen på alle forsøk, inntil 2018, då landet vart slått ut i semifinalen for fyrste gong.[1]

Historikk[endre | endre wikiteksten]

Det er den rumenske kringkastaren Televiziunea Română (TVR) som sender Eurovision Song Contest i Romania, og som vel det rumenske bidraget til tevlinga. Romania debuterte i 1994, men melde seg òg på tevlinga i 1993 saman med seks andre land frå den tidlegare austblokka. For å halde talet på deltakande land nede, kravde Den europeiske kringkastingsunionen (EBU) at dei sju nye landa måtte gjennom ei eiga førehandskvalifisering, kalla Kvalifikacija za Millstreet (Kvalifisering til Millstreet). Dei tre beste landa i kvalifiseringa ville få ein plass i Eurovision Song Contest. Romania stilte med songen «Nu pleca», framført av Dida Drăgan, men kom på sisteplass i kvalifiseringa og var dimed ikkje kvalifisert til finalen i 1993.[2]

Debuten[endre | endre wikiteksten]

I 1994 fekk Romania endeleg ta del i Eurovision Song Contest saman med ei rekkje nye deltakarland som Estland, Russland og Slovakia. I debuten hamna Romania på 21.-plass av 25 land, og den låge plasseringa gjorde at landet måtte stå over tevlinga året etter. Heller ikkje i 1996 kvalifiserte Romania seg, og var heller ikkje kvalifisert til finalen i 1997 på grunn av låg gjennomsnittpoengsum i perioden 1993–1996.[3][4] Fram til 2002 måtte Romania stå over annakvart år på grunn av svake plasseringar i tevlinga.[1]

I 2002 snudde resultata, og Romania fekk si beste plassering til då med ein niandeplass. Ein tiandeplass følgde året etter, og dimed var Romania direktekvalifisert til finalen i 2004. Etter å ha blitt nummer 18 i 2004, måtte Romania gjennom semifinalen i Kiev året etter. Der vann Romania semifinalen og kom på tredjeplass i finalen - den beste plasseringa til Romania i Eurovision Song Contest til nå. Ein fjerdeplass følgde i 2006, etterfølgd av tre svake plasseringar. I Bærum i 2010 tangerte Romania rekorden sin, då Paula Seling og Ovi kom på tredjeplass med «Playing With Fire».

Diskvalifikasjonen[endre | endre wikiteksten]

I åra 2010–2015 hamna Romania midt på resultatlista, før landet vart diskvalifisert. Bakgrunnen for diskvalifiseringa var at kringkastaren TVR fleire gongar ikkje hadde tilbakebetalt gjeld til Den europeiske kringkastingsunionen (EBU). Som straff vedtok EBU å diskvalifisere Romania – berre 17 dagar før tevlinga.[5] Hausten same år vart EBU og TVR einige om ei nedbetalingsordning, og Romania fekk komme tilbake til Eurovision Song Contest i 2017.[6]

Etter sjuandeplassen i 2017 – den beste plasseringa til Romania på sju år – rauk Romania ut av semifinalen i 2018. Dette var fyrste gongen at Romania ikkje nådde finalen, etter at ordninga med semifinalar vart innført i 2004.

Språk[endre | endre wikiteksten]

Fram til opphevinga av språkregelen i 1999 song representantar for Romania på rumensk. Etter 2000 har Romania stort sett sunge på engelsk, men ein song òg delvis på rumensk i 2008 og 2015. Bidraga frå Romania har òg vore delvis på italiensk i 2006 og 2009, og bidraget i 2007 vart blant anna sunge på russisk, spansk og fransk.

Bidraga[endre | endre wikiteksten]

År Artist Song Språk Finalen Semifinalen
Poeng Plass Poeng Plass
1993 Dida Drăgan «Nu pleca» Rumensk Ikkje kvalifisert 38 7
1994 Dan Bittmann «Dincolo de nori» Rumensk 14 21
1996 Monica Anghel og Sincron «Rugă pentru pacea lumii» Rumensk Ikkje kvalifisert 11 29
1997 Deltok ikkje
1998 Mălina Olinescu «Eu Cred» Rumensk 6 22
1999 Deltok ikkje
2000 Taxi «The Moon» Engelsk 25 17
2001 Deltok ikkje
2002 Monica Anghel og Marcel Pavel «Tell Me Why» Engelsk 71 9
2003 Nicola «Don't Break My Heart» Engelsk 73 10
2004 Sanda «I Admit» Engelsk 18 18 Direktekvalifisert
2005 Luminiţa Anghel og Sistem «Let Me Try» Engelsk 158 3 235 1
2006 Mihai Trăistariu «Tornerò» Engelsk og italiensk 172 4 Direktekvalifisert
2007 Todomondo «Liubi, Liubi, I Love You» Engelsk, italiensk, spansk,
russisk, fransk og rumensk
84 13
2008 Nico og Vlad «Pe-o margine de lume» Rumensk og italiensk 45 20 94 07
2009 Elena «The Balkan Girls» Engelsk 40 19 67 9
2010 Paula Seling og Ovi «Playing With Fire» Engelsk 162 3 104 4
2011 Hotel FM «Change» Engelsk 77 17 111 4
2012 Mandinga «Zaleilah» Spansk og engelsk 71 12 120 3
2013 Cezar «It's My Life» Engelsk 65 13 83 5
2014 Paula Seling og Ovi «Miracle» Engelsk 72 12 125 2
2015 Voltaj «De la capăt (All Over Again)» Rumensk og engelsk 35 15 89 5
2016 Ovidiu Anton «Moment of Silence» Engelsk Diskvalifisert
2017 Ilinca med Alex Florea «Yodel It!» Engelsk 282 7 174 6
2018 The Humans «Goodbye» Engelsk Ikkje kvalifisert 107 11
2019 Ester Peony «On a Sunday» Engelsk 71 13
2020 Roxen «Alcohol You» Engelsk Avlyst
2021 Roxen «Amnesia» Engelsk Ikkje kvalifisert 85 12

Røystehistorikk[endre | endre wikiteksten]

Finalane[endre | endre wikiteksten]

Romania har gjeve flest poeng til
# Land Poeng
01 Moldova 151
02 Hellas 107
03 Russland 80
04 Tyrkia 70
05 Sverige 67
Ungarn

Romania har fått flest poeng frå
# Land Poeng
01 Moldova 149
02 Spania 128
03 Israel 96
04 Portugal 65
05 Hellas 60
Malta

Semifinalane[endre | endre wikiteksten]

Romania har gjeve flest poeng til
# Land Poeng
01 Moldova 88
02 Ungarn 69
03 Hellas 59
05 Israel 58
Russland

Romania har fått flest poeng frå
# Land Poeng
01 Moldova 108
02 Israel 86
03 Malta 63
04 Italia 60
05 Irland 59

Galleri[endre | endre wikiteksten]

Sjå òg[endre | endre wikiteksten]

Referansar[endre | endre wikiteksten]

  1. 1,0 1,1 «Romania – Eurovision Song Contest». eurovision.tv. Henta 25. desember 2016. 
  2. «ESC 1993 Semi-final (Kvalifikacija za Millstreet) - full contest - Croatian Commentary». RTVSLO/EBU via YouTube. 10. oktober 2014. Henta 4. desember 2016. 
  3. «#ThrowbackThursday to 20 years ago: Eurovision 1997». eurovision.tv. 7. september 2017. Henta 10. mai 2020. 
  4. «The Eurovision Song Contest – Rules 1997». heyrick.eu. Henta 10. mai 2020. 
  5. «TVR (Romania) no longer entitled to take part in Eurovision 2016». eurovision.tv. European Broadcasting Union. 22. april 2016. Henta 22. april 2016. 
  6. Bogdan Honciuc (21. september 2016). «Take us back? Romania’s TVR applies for participation in Eurovision 2017». Wiwibloggs. 

Kjelder[endre | endre wikiteksten]