Roque Júnior

Frå Wikipedia – det frie oppslagsverket
Hopp til navigering Hopp til søk
Roque Júnior
Fødd 31. august 1976
Santa Rita do Sapucaí

José Vítor Roque Júnior (fødd 31. august 1976) er ein brasiliansk tidlegare fotballspelar frå Santa Rita do Sapucaí som i 2002 vart verdsmeister med Brasil sitt landslag. Åra 1999-2007 deltok midtstopparen i 48 landskampar og skåra 2 mål.

Klubbspel[endre | endre wikiteksten]

Frå 1993 til han la opp for godt i 2010 gjorde Roque Júnior teneste i ti ulike klubbar, fire av dei i heimlandet og fem av dei i tre ulike land i Europa. Verkeleg suksess hadde han einast i Palmeiras, der han spelte meir enn 200 obligatoriske kampar og i 1999 var med å vinne Copa Libertadores. I 2000 vart han overført til den italienske topplaget AC Milan, der det i tida fram til 2003 vart mykje benkesliting. Våren 2003 tok han del då Milan vann den nasjonale cupfinalen mot AS Roma og han var innbytar då Milan etter straffeskyting sigra i finalen i Meisterligaen 2003. Frå 2004 til -07 var han Bayer Leverkusen-spelar, også der måtte han finn seg å sjå mange kampar frå reservebenken.

Landslagsspel[endre | endre wikiteksten]

Roque Júnior fekk sin landslagdebut mot Nederland i oktober 1999. Under Fotball-VM 2002 danna han og Lúcio eit sterkt midtstopparpar som gjorde sitt at Brasil vann eit verdsmeisterskap i fotball for femte gong. Sommaren 2005 var Roque Júnior med å vinne konføderasjoncupen (prøve-VM) i Tyskland. Han spelte sin 50. og siste landskamp i november 2005. Skade gjorde han uaktuell for den brasilianske VM-troppa 2006.

Merittar[endre | endre wikiteksten]

  • Verdsmeister: 2002 for Brasil
  • Vinnar av konføderasjonscupen: 2005 for Brasil
  • Vinnar av Copa Libertadores: 1999 med Palmeiras
  • Vinnar av meisterligaen: 2003 med AC Milan
  • Delstatsmeister i São Paulo: 1996 med Palmeiras
  • Brasiliansk cupmeister: 1998 med Palmeiras
  • Vinnar av Torneio Rio-São Paulo: 2000 med Palmeiras
  • Italiensk cupmeister: 2003 med AC Milan

Kjelder[endre | endre wikiteksten]