Rosh Pinna

Rosh Pinna
רֹאשׁ פִּנָּה, ראש פינה, Rosh Pina, Roch Pina, Rosh Pinah
lokal kommune
Land	Israel
Distrikt	Nord
Koordinatar	32°58′12.01″N 35°32′31.72″E
Areal	17,6 km²
Folketal	2 800 (2008)
Folketettleik	159 / km²
Grunnlagd	1882
Rosh Pinna 32.969086111111°N 35.542455555556°E / 32.969086111111; 35.542455555556
Kart som viser Rosh Pinna. Kart som viser Rosh Pinna.
Wikimedia Commons: Rosh Pina

Rosh Pinna er ein by (lokal kommune) med 2 800 innbyggjarar i øvre Galilea i Nord distrikt i Israel. Byen vart grunnlagd i 1882 av 30 familiar som emigrerte frå Romania. Han er derfor ein av dei eldste sionist-busetnadane i Israel.

Geografi

Rosh Pinna ligg nord for Genesaretsjøen, kring 2 km aust for byen Safed, 420 meter over havet. Nord for Rosh Pinna ligg Hulasjøen, eit tidlegare myrområde som vart drenert i 1950-åra.

Historie

Rosh Pinna (hebraisk ראש פנה) var ein av dei første moderne jødiske jordbruksbusetnadane i Israel, som då var ein del av Det osmanske riket. Rosh Pinna vart grunnlagd nær den arabiske landsbyen al-Ja'una.

Gei Oni vart grunnlagd i 1878 av jødar frå Safed. Somme av dei var etterkommarar etter spanske jødar som måtte reisa i eksil i 1492. Dei fleste av dei første familiane reiste derifrå etter tre år med tørke, men tre familiar vart verande att: Keller, Friedman og Schwartz. Eit år seinare, i 1882, kom ei gruppe rumenske jødar leia av David Shub til landsbyen, og han fekk namnet Rosh Pinna, etter Salme 118:22: «Steinen som bygningsmennene vraka, har vorte hjørnestein.» ‘Hjørnestein’ er rosh pinna på hebraisk. I 1883 fekk busetnaden viktig økonomisk støtte av baron Edmond James de Rothschild.

Kjelder

• Denne artikkelen bygger på «Rosh Pinna» frå Wikipedia på engelsk, den 1. februar 2015.

Bakgrunnsstoff

Commons har multimedium som gjeld: Rosh Pinna

• StateofIsrael.com
• Bilete av Rosh Pinna