Roundabout

Frå Wikipedia – det frie oppslagsverket
Hopp til navigering Hopp til søk
Roundabout
Singel av Yes
frå albumet Fragile
B-side

"Long Distance Runaround"

Utgjeve 4. januar 1972
Innspelt 1971
Sjanger Progressiv rock
Lengd 8:29
Selskap Atlantic
Låtskrivar(ar) Jon Anderson, Steve Howe
Produsent Yes, Eddie Offord
Yes-kronologi
"I've Seen All Good People: Your Move"
(1971)
Roundabout "America"
(1972)


«Roundabout» er ein song av det engelske progressiv rock-bandet Yes, gjeven ut på albumet Fragile i 1971. Songen vart skriven av Jon Anderson og Steve Howe, og ein redigert versjon vart gjeven ut som singel i 1972, og ein konsertversjon vart gjeven ut som singel i 1973. Den er ein av dei mest kjende songane til Yes, samt den songen som er vorten framført oftast under konsertane deira.[1] Songen er 8 minutt og 30 sekunder lang. Ein redigert versjon på 3 minutt og 27 sekund vart gjeven ut som singel, og kom på 13. plass på Billboard Hot 100 i USA i 1971.

Struktur[endre | endre wikiteksten]

Songen opnar med eit baklengs opptak av eit piano, som blir punktert av eit kort tema spelt på akustisk gitar med ein oktav-harmonisk teknikk i ein slags barokk-stil. Dette blir repetert, før gitaren avsluttar det korte opningstemaet og introduserer hovudtemaet saman med resten av instrumenta. Songen følgjer hovudsakleg konvensjonell rock-stil, med visse unntak.

Konsertversjonar[endre | endre wikiteksten]

Yes har spelt «Roundabout» under nærast alle konsertar sidan utgjevinga i 1971. På 1970-talet vart det framført ein versjon der opningstemaet vart spelt på elektrisk gitar, og sidan dei tekniske høva for betre lyd under konsertar for akustiske instrument betra seg på 1980-talet, vart det framført versjonar tett opptil originalinnspelinga. På midten av 2000-talet framførte Yes songen i ein akustisk blues/jazz-versjon.

Offisielle utgjevingar med konsertopptak av «Roundabout»:

Versjon på ny-utgjevinga frå 2003[endre | endre wikiteksten]

På ny-utgjevinga av albumet Fragile frå 2003 finst eit «bonus-spor» med ein alternativ miks av songen. Denne versjonen er særs lik den ferdige og kjente versjonen, og varer i 8 minuttar og 35 sekunder.

Medverkande[endre | endre wikiteksten]

På originalinnspelinga frå 1971 medverkar:

Salslister[endre | endre wikiteksten]

Vekeslister[endre | endre wikiteksten]

Liste (1972) Plassering
Canada (RPM)[2] 9
Nederland (Mega Single Top 100)[3] 27
US Billboard Hot 100[4] 13
US Cash Box Top 100 10

Årslister[endre | endre wikiteksten]

Liste (1972) Plassering
U.S. Cash Box[5] 90

Kjelder[endre | endre wikiteksten]

  1. Forgotten Yesterdays
  2. «Image : RPM Weekly - Library and Archives Canada». Bac-lac.gc.ca. Henta 18. januar 2020. 
  3. "Dutchcharts.nl – Yes – Roundabout" (på nederlandsk). Mega Single Top 100. Hung Medien / hitparade.ch. Henta 18. januar 2020.
  4. "Yes Album & Song Chart History" Billboard Hot 100 for Yes. Prometheus Global Media. Henta 18. januar 2020.
  5. «The Cash Box Year-End Charts: 1972». 30. desember 1972. Arkivert frå originalen 2014-10-22. Henta 21. mai 2015.