Royal Scottish National Orchestra

Royal Scottish National Orchestra
	Royal Scottish National Orchestra
	;
Opphav	Skottland
Aktiv	1891–
Sjanger	klassisk musikk

Royal Scottish National Orchestra (RSNO) er det nasjonale symfoniorkesteret i Skottland. Det 89 medlemmer store profesjonelle orkesteret har base i Glasgow, men gir òg konsertar i Edinburgh, Aberdeen og Dundee og utanlands. Det blei danna i 1891 som Scottish Orchestra og har spelt på fulltid siden 1950, då det tok namnet Scottish National Orchestra. Det fekk kongeleg vern i 1977, og byrja kort tid etter utnemninga å bruka tittelen Royal Scottish Orchestra før det noverande namnet blei fastsett i 1991.^[1]

Under den fyrste skotskfødde og lengst tenande dirigenten sin, sir Alexander Gibson, byrja orkesteret å utvikla ein internasjonal profil. Gjennom spesialitetane til Gibson blei orkesteret kjent for tolkingar av skandinaviske komponistar, mellom anna Jean Sibelius og Carl Nielsen. Dette fortsette i dirigenttida til Neeme Järvi, som òg spesialiserer seg i Skandinavia. Han leia òg orkestret gjennom den fyrste komplette Gustav Mahler-syklusen sin. Den andre skotten som leia orkesteret, Bryden Thomson, førte vidare den nordiske relasjonen med oppføringa av Nielsensymfoniar.