Rune Brattsveen

Frå Wikipedia – det frie oppslagsverket
Hopp til navigering Hopp til søk
Rune Brattsveen
Rune Brattsveen Trondheim2012.jpg
Fødd 5. april 1984
Dokka
Yrke skiskyttar, tømrar
Rune Brattsveen på Commons

Rune Brattsveen (fødd 5. april 1984) er ein norsk tidlegare skiskyttar frå Nordre Land som vann VM-gull og -sølv med Noreg i høvesvis 2012 og 2008.

Aktiv[endre | endre wikiteksten]

Brattsveen debuterte i verdscupen i skiskyting i desember 2007 i finske Kontiolahti, og imponerte ved å verte nummer ni på sprintdistansen og fem på jaktstarten dagen etter. Femteplassen skulle vise seg å verte hans aller beste individuelle plassering i verdscupen, men i stafett fekk han vere med på triumfar i Ruhpolding i januar 208 og i Hochfilzen i desember 2011.

Under VM i skiskyting 2008 i Östersund gjekk Brattsveen den andre etappen på det norske laget som tok sølv i 4 x 7,5 km stafett og vart nummer 11 i fellesstarten. Fire år seinare fekk han gå den andre etappen i 4 x 7,5 km stafett for Noreg i VM i skiskyting 2012 i Ruhpolding. Saman med Ole Einar Bjørndalen, Tarjei Bø og Emil Hegle Svendsen vart han verdsmeister, eit halv minutt framom Frankrike sitt mannskap. Seinare i 2012 vann Brattsveen fellesstarten og fekk bronsen i 20 km då noregsmeisterskapen 2012 fann stad i Saupstad ved Trondheim, hans einaste individuelle NM-medaljar.

Brattsveen la opp etter 2014-sesongen, etter lengre tids sjukdom.

Kjelder[endre | endre wikiteksten]