Ruseløkkabunkeren

Frå Wikipedia – det frie oppslagsverket
Hopp til navigering Hopp til søk

Koordinatar: 59°54′47″N 10°43′30″E

Nedgang til bunkeren var i kjellaren til Ruseløkka skule.

Ruseløkkabunkeren ved Ruseløkka skule vart etablert av den tyske okkupasjonsmakta under andre verdskrigen. Etter krigen overtok Forsvarets overkommando og E-tenesta bunkeren[1].

«Operasjon Muldvarp», som vart etablert i 1950, hadde plassert lydbanddopptakarar i Ruseløkkabunkeren for hovudsakleg å avlytte sambandet til kommunistisk verksemd. Mellom anna vart dei sovjetiske skipsfartskontora Sovfrakt og Morflot avlytta, noko som gjorde E-tenesta i stand til å verve eller plassere etterretningsagentar om bord på skip.

Det vart drive telefonovervaking i Noreg herfrå fram til 1989, noko som er nøye rapportert i Lund-rapporten. Tenesta vart halden svært løynleg, og sjefen i 40 år for denne tenesta, Asbjørn Mathiesen, var ein av dei som berre stod på hemmelege lønningslister.[2][3][4] [5] [6]

Referansar[endre | endre wikiteksten]

  1. Oslo kommune om soga til Ruseløkka skole, lest 21. september 2018
  2. https://www.dn.no/magasinet/historie/etterretning/asbjorn-mathiesen/mysteriet-mathiesen/1-1-5347841
  3. https://www.dagsavisen.no/oslo/nazi-bunkeren-under-ruselokka-1.1082244
  4. https://www.klikk.no/produkthjemmesider/vimenn/under-jorden-i-oslo-sentrum-2757985
  5. https://ruselokka.osloskolen.no/om-skolen/om-oss/skolens-historie/
  6. https://www.nrk.no/ostlandssendingen/ned-i-bunkeren-fra-2.-verdenskrig-1.14204649