Sámi Jienat

Sámi Jienat (på norsk 'samiske røyster') er eit prosjektkor som vart grunnlagd i 2002. Medlemmene er samar frå Noreg, Sverige og Finland. Med ca. 50 medlemmer, er koret ikkje berre det største, men også det einaste samiske koret i verda som fungerer som ei eining på tvers av landegrensene. Koret framfører tradisjonell og moderne joik i tillegg til samiske salmar og joikar på fleire samiske språk.

Korsjangeren er ny i samisk musikk, og Sámi Jienat har samarbeida med fleire anerkjente samiske musikarar og komponistar for å skapa samisk kormusikk, som til dømes med den sørsamiske komponisten og artisten Frode Fjellheim. Sámi Jienat har ikkje ein fast tilhaldsstad, men møtest i gjennomsnitt 2 gongar kvart halvår for øvingar rundt om i dei samiske områda i alle tre land.

Nokre festivalar der Sámi Jienat har deltatt[endre | endre wikiteksten]

2002: Randers Internationale korfestival, Randers, Danmark
2005: 46664 Arctic (Nelson Mandela-konserten), Tromsø, Norge
2005: Márkomeannu, Evenes, Norge
2006: Ijahis idja, Enare, Finland
2007: Sámi Easterfestival, Guovdageaidnu, Noreg
2008: Vox Pacis Peace Concerts, Stockholm, Sverige
2009: Samiske veckan 2009 - Ubmejen Bievieh, Umeå, Sverige
2011: Riddu Riđđu Indigenous Festival, Kåfjord, Noreg
2013: Finnfest, Minnesota/Michigan, USA
2016: Festspillene i Nord-Norge, Harstad, Noreg.
2017: Tråante 2017, 100-årsjubileet for samefolkets første landsmøte i Trondheim, Norge.
2018: Staare 2018, 100-årsjubileet for samefolkets første landsmøte i Östersund, Sverige.
2018: Sámi Easterfestival, Guovdageaidnu, Noreg