Søren Ve

	Søren Ve
	;
Fødd	6. juli 1892
Død	10. august 1974 (82 år)
Yrke	skribent

Søren Ve (6. juli 1892–10. august 1974) var ein norsk lærar, rektor og lokalhistorikar. Han var frå Øvre Årdal i Årdal kommune. Etter eksamen ved Stord lærarskule arbeidde Ve som lærar i 15 år i Luster, Oslo, Rjukan og Bergen. Ve tok matematisk-naturvitskapleg embetseksamen i 1930 med botanikk som hovudfag og i 1941 tok han doktorgraden i botanikk om treslag i indre Sogn. Han arbeidde som lektor ved fleire skular i Bergen: ved Tanks skole 1931-1939, ved Lungegården skole 1939-1942 og frå 1941 ved U. Pihls skole, der han vart rektor seinare. Ved sida av arbeidet jobba han med vitskapeleg arbeid, særleg om treslaga og høgdegrensene for treslaga i indre Sogn. Ve var med å skipa Årdal sogelag i 1949 og han stod sentralt i arbeidet med bygdebøkene for Årdal.

Bibliografi[endre | endre wikiteksten]

Bøker[endre | endre wikiteksten]

1930 – Skogtrærnes forekomst og høidegrenser i Årdal : plantegeografiske og bygdehistoriske studier (Bergen) I fulltekst ved nb.no
1940 – Skog og treslag i Indre Sogn frå Lærdal til Fillefjell : med ei utgreiding um gran i Sogn (Bergen: Vestlandets forstlige forsøksstation) I fulltekst ved nb.no
1942 – Gransking av skog-, tre- og buskegrensor frå Sognefjorden gjenom Lærdal til Fillefjell [Særtrykk av 'Syn og Segn' 1942]
1951 – Lauving i forntid (Hordaland: Hordaland Landbruksmuseum)
1951 – Stig skoggrensa? (Oslo) [Særtrykk av Tidsskrift for skogbruk. Nr. 9, 1951, s. 305-317]
1968 – Utbreidsla og høgdegrensor til skog-, tre- og buskeslag i Sogndal og Hafslo (Oslo: Universitetsforlaget) I fulltekst ved nb.no
1971 – Bygdebok for Årdal. Band 1. Natur og næringsliv (Årdal: Årdal sogelag) I fulltekst ved nb.no [Skriftstyrar: Søren Ve]
1978 – Bygdebok for Årdal. Band 2. Kulturbandet (Årdal: Årdal kommune). ISBN 82-990553-1-8 I fulltekst ved nb.no [Skriftstyrarar: Søren Ve, Dagfinn Krossen]