Saar
| Saar | |||
| elv | |||
 Saar-svingane ved Mettlach
| |||
| Land |  Frankrike,  Tyskland
| ||
|---|---|---|---|
| Nedslagsfelt | 7 431 km² | ||
| Lengd | 246 km | ||
| Middelvassføring | 47 m³/s | ||
| Kjelde | Vogesane | ||
| - høgd | ~800 moh. | ||
| Munning | Mosel | ||
 Saar | |||
| Wikimedia Commons: Saar River | |||
Saar (fransk: Sarre) er ei elv nordaust i Frankrike og vest i Tyskland, og ei av sideelvene til Mosel frå høgre. Ho har sitt utspring i Vogesane på grensa mellom regionane Alsace og Lorraine, der dei to elvene Sarre Rouge og Sarre Blanche renn i hop ved Lorquin. Begge desse elvane har sitt utspring nær Mont Donon, den høgaste toppen nord i Vogesane. Etter 246 km (126 km i Frankrike og 120 km i Tyskland) munnar Saar ut i Mosel ved Konz (Rhineland-Palatinate). Saar har eit nedslagsfelt på 7 431 km², og vatnet her renn via Mosel ut i Rhinen og Nordsjøen.
Tidlagere var Saar svært viktig for industrien i Saarland, som dreidde seg om kol, jern og stål. Råmateriale og ferdige produkt vart skipa på elva og vidare via Mosel til Rhinen og til dømes til Ruhrgebiet eller Rotterdam.
Saar renn gjennom følgjande departement i Frankrike, delstatar i Tyskland og byar:
- Moselle (F): Abreschviller (Sarre Rouge), Lorquin, Sarrebourg, Fénétrange
- Bas-Rhin (F): Sarre-Union
- Moselle (F): Sarralbe, Sarreguemines
- Saarland (D): Saarbrücken, Saarlouis, Dillingen, Merzig
- Rhineland-Palatinate (D): Saarburg, Konz.
På breidda av Saar ligg verdsarvstaden Völklinger Hütte. Ved Mettlach passerer Saar gjennom dei kjende Saar-svingane.