Sachertorte
Sachertorte (tysk for «Sacher-kake») er ein type sjokoladekake funnen opp av Franz Sacher (1816–1907) i 1832 for fyrsten og statsmannen Klemens von Metternich i Wien i Austerrike. Kaka er ein av dei mest kjende matrettane frå Wien.
Innhald
[endre | endre wikiteksten]Kaka består av to lag sjokoladebotn, som ikkje er særs søt, med eit tynt lag aprikosmarmelade mellom og mørk sjokoladeglasur oppå og på sidene. Ho blir tradisjonelt servert med piska krem utan sukker.
Historie
[endre | endre wikiteksten]Sachertorte blei fyrst laga av Franz Sacher i 1832 då han som 16-årig konditorlærling fekk i oppgåve å kreera ein spesiell dessert til Klemens Wenzel von Metternich. Varemerket for den originale Sachertorte blei registrert av Hotel Sacher, som blei bygga i 1876 av sonen til Franz Sacher. Fram til 1965 var Sacher Hotel involvert i ein lang juridisk kamp, då også konditoriet Demel hadde produsert ei kake kalla den originale Sachertorte. Kvar Demel hadde fått oppskrifta frå er ikkje heilt sikkert kjent. I dag serverer Demel stadig kaka, men under namnet Demels Sachertorte, og med den forskjellen at aprikosmarmeladen ligg rett under glasuren i staden for mellom sjokoladekakelaga.
Kjelder
[endre | endre wikiteksten]- Denne artikkelen bygger på «Sachertorte» frå Wikipedia på bokmål, den 19. januar 2025.
Bakgrunnsstoff
[endre | endre wikiteksten]
- The Original Sacher-Torte Website (arkivert nettside)