Salve Hodne

Salve Hodne
Fødd	28. september 1845
Død	22. februar 1916 (70 år)
Statsborgar av	Noreg
Parti	Venstre
Yrke	politikar, forretningsdrivande
Alle verv	stortingsrepresentant (1895–1897) vararepresentant til Stortinget (1892–1894) stortingsrepresentant (1898–1900) stortingsrepresentant (1900–1903) vararepresentant til Stortinget (1903–1906)

Salve Thomasson Hodne (28. september 1845–22. februar 1916) var ein norsk arbeidsformann og stortingsmann frå Hornnes i Vest-Agder. Han var medlem av Venstre.

Hodne var son til ein lensmann. Han byrja å arbeide ved Ottedals sag i Kristiansand i 1871, frå året etter var han arbeidsformann. Sidan arbeidde han der i over 40 år. Han var medlem av bystyret i Kristiansand frå 1881 til 1908, varaordførar i 1905.

Hodne var 2. representant frå Kristiansand på Stortinget i tre periodar frå 1895 til 1903. Han møtte første gongen på Stortinget i 1892-sesjonen frå 13. juli, då som 2. varamann frå same valkrinsen. I den fyrste perioden som fast representant hadde han sete i justiskomiteen, i dei to siste valbolkane var han medlem av Lagtinget, tollkomiteen og valkomiteen.

Kjelder

• Lindstøl, Tallak: Stortinget og Statsraadet 1814-1914. Kristiania, 1914