Samira Efendi
| Samira Efendi | |
| Fødd | 17. april 1991 (31 år) |
|---|---|
| Fødestad | Baku |
| Fødenamn | Mal:Lang-az |
| Opphav | Aserbajdsjan |
| Aktiv | 2009– |
| Sjanger | jazz |
| Instrument | vokal |
| Verka som | songar |
Samira Efendijeva (fødd 17. april 1991) er ein aserbajdsjansk songar. Ho brukar artistnamnet Efendi, tidlegare Samira Efendi.[1] Ho skulle representere Aserbajdsjan i Eurovision Song Contest 2020 i Rotterdam i Nederland med songen «Cleopatra»,[2] men 18. mars 2020 avlyste EBU tevlinga på grunn av koronaviruspandemien i Europa vinteren 2020. I staden avgjorde den aserbajdsjanske kringkastaren İTV at Efendi skulle få representere Aserbajdsjan i 2021 med songen «Mata Hari».[3][4]
Bakgrunn[endre | endre wikiteksten]
Efendijeva vart fødd og voks opp i den aserbajdsjanske hovudstaden Baku. Ho oppnådde popularitet i heimlandet etter å ha delteke i lokale og nasjonale songtevlingar som Yeni Ulduz (2009), Böyük Səhnə (2014) og The Voice of Azerbaijan (2015–2016), der ho vart nummer tre.[2] I 2017 var ho den aserbajdsjanske representanten i vokalisttevlinga Silk Way Star, arrangert i Almaty i Kasakhstan, der ho kom på tredjeplass.[2][5] Ho representerte nok ein gong Aserbajdsjan under songfestivalen Voice of Nur-Sultan i Nur-Sultan i Kasakhstan i 2019.[2]
28. februar 2020 kunngjorde den aserbajdsjanske tv-kanalen İTV at ein jury hadde vald Efendi til å representere Aserbajdsjan i Eurovision Song Contest 2020 i Rotterdam i Nederland.[2] Ho skulle opptre med songen «Cleopatra», men tevlinga vart avlyst på grunn av koronaviruspandemien i Europa vinteren 2020. Efendi representerte i staden Aserbajdsjan i Eurovision Song Contest i 2021 med «Mata Hari». Ho deltok i den fyrste semifinalen tysdag 18. mai og kvalifiserte seg til finalen laurdag 22. mai. Der kom ho på ein 20.-plass[6]
Flørting med norske TIX[endre | endre wikiteksten]
Efendi gjorde seg merka i dagane før den fyrste semifinalen, etter at den norske deltakaren TIX sende fleire kjærleikserklæringar til ho via Instagram.[7] Etter kvart svara ho på meldingane via eigne postar på Instagram.[8] Sidan heldt dei to fram med å flørte via sosiale medium, og dei møttest til fleire dater i finaleveka.[9][10][11] Flørtinga mellom dei to fekk stor merksemd hos presse, fans og arrangørar, og fekk sin eigen emneknagg på Instagram: Efentix.[12] Enkelte pressefolk og fans spekulerte likevel på om flørtinga var eit PR-stunt for å skape merksemd, men TIX avviste dette i ein videofilm han la ut på sin eigen YouTube-konto.[13]
Både Aserbajdsjan og Noreg deltok i den fyrste semifinalen og begge land kvalifiserte seg til finalen. Der hadde dei startnummer etter kvarandre.[14]
Diskografi[endre | endre wikiteksten]
Singlar[endre | endre wikiteksten]
| Titlar | År | Album |
|---|---|---|
| «Yarımın Yarı» | 2019 | Ikkje frå album |
| «Sen Gelende» | ||
| «Yol Ayrıcı» | ||
| «Cleopatra» | 2020 | |
| «Mata Hari» | 2021 |
Kjelder[endre | endre wikiteksten]
- ↑ «Azerbaijan releases Efendi's Eurovision 2020 song 'Cleopatra'». eurovision.tv. 10. mars 2020. Henta 10. mars 2020.
- ↑ 2,0 2,1 2,2 2,3 2,4 «Meet Azerbaijan's Eurovision 2020 artist Samira Efendi». Eurovision.tv. 28. februar 2020. Henta 28. februar 2020.
- ↑ Granger, Anthony (20. mars 2020). «Azerbaijan: Samira Efendi Confirmed As Eurovision 2021 Representative» (på engelsk). Henta 20. mars 2020.
- ↑ «🇦🇿 Azerbaijan: "Mata Hari" Is Revealed As The Title Of Efendi's Entry For Eurovision 2021» (på engelsk). 13. mars 2021. Henta 13. mars 2021.
- ↑ Dyussembekova, Zhazira (5. oktober 2017). «Qazaqstan TV starts broadcast of Silk Way Star contest». The Astana Times (på engelsk). Henta 28. februar 2020.
- ↑ «First Semi-Final 2021: The Qualifiers» (på engelsk). 18. mai 2021. Henta 21. mai 2021.
- ↑ «Efendi & TIX - A Eurovision Saga - Eurovision 2021» (norsk bokmål). Henta 21. mai 2021.
- ↑ «Dette sier hun om Tix-flørten» (på norsk). 19. mai 2021. Henta 21. mai 2021.
- ↑ «Tix med blomster til «en viss jente» – VG Nå: Nyhetsdøgnet» (på norsk). Henta 21. mai 2021.
- ↑ AS, TV 2. «Avslører romanse - så angrer han umiddelbart» (på norsk). Henta 21. mai 2021.
- ↑ «Eurovision participants TIX and Efendi 'date' almost every day | Show» (på engelsk). 21. mai 2021. Arkivert frå originalen 2021-05-21. Henta 21. mai 2021.
- ↑ Dønvold-Myhre, Henriette Eilertsen, Lars Barreto (21. mai 2021). «Dette sier hun om Tix-flørten» (på norsk). Henta 21. mai 2021.
- ↑ «TIX & Efendi – The Eurovision Love Story». TIX / YouTube. 21. mai 2021. Henta 21. mai 2021.
- ↑ «⭐️ Grand Final Running Order ⭐️» (på engelsk). 20. mai 2021. Henta 21. mai 2021.
- Denne artikkelen bygger på «Samira Efendi» frå Wikipedia på bokmål, den 21. juni 2021.