Samuel Severin Bætzmann

Samuel Severin Bætzmann
	Samuel Severin Bætzmann
	;
Fødd	3. juni 1800; Sandviken
Død	5. august 1859 (59 år)
Statsborgar av	Noreg
Yrke	politikar, embetsmann, politimeister, byfogd, sorenskrivar, kommunedirektør
Barn	Frederik Bætzmann, Ernst Reinhold Bætzmann
Alle verv	stortingsrepresentant (1854–1856); ordførar i Trondheim (1843–1844); ordførar i Trondheim (1851–1853); ordførar i Trondheim (1855–1856); vararepresentant til Stortinget (1851–1853); stortingsrepresentant (1857–1858) ;

Samuel Severin Bætzmann (3. juni 1800–5. august 1859) var ein norsk embetsmann og politikar, fødd i Bergen. I tida 1844–56 ordførar i Trondheim i tre åtskilde periodar. Han var stortingsmann 1854–58.

Bætzmann voks opp i Trondheim der faren var overtollbetjent. Sjølv kom han i lære på sorenskrivarkontor, frå 1817 i Strinda og Selbu, seinare i Vestre Råbyggelag. Etter «norsk» juridisk eksamen i 1825 vart han konstituert som sorenskrivar på Fosen og i Gauldal, justissekretær ved Trondhjems stiftsoverrett og fut i Strinda og Selbu. I 1830-åra vikarierte Bætzmann jamt som borgarmeister i Trondheim. Han var i tillegg underrettsprokurator i Søndre Trondhjems amt. Frå 1842 var Bætzmann politimeister i Trondheim. År 1856 fekk jobben som byfut og notarius publicus i Trondheim.

Bætzmann var medlem 1839–57 av representantskapet i Noregs Bank, deretter styremedlem i same banken, også styremedlem i Trondhjems Sparebank frå 1850 til 1857. Bætzmann vart vald til bystyremedlem i, bolkane 1843–44, 1851–53 og 1855–56 ordførar. Han var stortingsmann 1854–58 frå kjøpstadene Trondhjem og Levanger. I 1854 var han medlem Næringskomité nr 1, i 1857 formann i Desisjonskomitéen og i 1858 medlem i Bankkomitéen. Han vart rekna for å stå nær det politiske sentrum både i kommunen og på stortinget.

Bætzmann døydde på garden/eigedomen Kuset ved Jonsvatnet.

Kjelder

Lindstøl, Tallak: Stortinget og Statsraadet 1814-1914. Kristiania, 1914