Santa Claus Is Back in Town
| Santa Claus Is Back in Town Song av Elvis Presley frå albumet Elvis' Christmas Album | ||
| Utgjeve | 15. oktober 1957 | |
| Innspelt | 7. september 1957 | |
| Sjanger | Julemusikk, rock and roll | |
| Lengd | 2:25 | |
| Selskap | RCA Victor | |
| Komponist | Jerry Leiber, Mike Stoller | |
| Tekstforfattar | Jerry Leiber, Mike Stoller | |
| Låtskrivar(ar) | Leiber-Stoller | |
|---|---|---|
| Produsent | Leiber-Stoller | |
«Santa Claus Is Back in Town» er ein julesong skriven i 1957 av Jerry Leiber og Mike Stoller, og først spelt inn det året av Elvis Presley som opningssporet på Elvis' Christmas Album, det bestseljande julemusikkalbumet i USA gjennom tidene. Songen har blitt ein rock and roll-julestandard.
«Santa Claus Is Back in Town» kom ut med «Santa, Bring My Baby Back to Me» og vart gjeven ut i Storbritannia samtundes som albumet kom ut i 1957. Singelen nådde sjuandeplassen på den britiske singellista i november 1957. RCA gav ut songen på ny i 1985 i lag med «Merry Christmas, Baby». I desember 1980 nådde songen 41. plassen på den britiske singellista.[1]
«Santa Claus Is Back in Town» kom ut i lag med «Blue Christmas» og vart gjeven ut av RCA Victor på singel i 1965 i USA, og nådde då fjerdeplassen på julemusikklista til Billboard. «Blue Christmas»/«Santa Claus is Back in Town» selde til platinaplate hos RIAA i 1999.[2]
Album[endre | endre wikiteksten]
Songen kom ut på den originale plata Elvis' Christmas Album og dei seinare nyutgjevingane av denne plata. Songen finst òg på samlealbumet Memories of Christmas frå 1984, If Every Day Was Like Christmas frå 1994, Christmas Peace frå 2003 og Elvis Christmas frå 2006. Songen finst òg på Elvis Presley-albumet Christmas Duets i ein duett med Wynonna Judd i 2008.
Medverkande[endre | endre wikiteksten]
«Santa Claus Is Back In Town» vart spelt inn 7. september 1957 i Radio Recorders i Hollywood i California. Musikarane på innspelinga var:
- Elvis Presley – vokal
- Scotty Moore – gitar
- Bill Black – bass
- D.J. Fontana – trommer
- Dudley Brooks – piano
- The Jordanaires – korvokal
The Jordanaires var Gordon Stoker, Neal Matthews jr., Hoyt Hawkins og Hugh Jarrett.
Andre versjonar[endre | endre wikiteksten]
Mange artistar har spelt inn songen. Dwight Yoakam spelte inn songen i 1997 på julemusikkalbumet Come On Christmas og gav han ut på singel. Singelen nådde 60. plassen på Billboard Hot Country Songs-lista.
Salslister[endre | endre wikiteksten]
Elvis Presley nådde Topp 10 i Storbritannia og Topp 5 på Billboard Christmas Singles-lista. Singelen selde til platina hos RIAA i USA.
| Liste (1957) | Plassering |
|---|---|
| UK Singles Chart | 7 |
| Liste (1965) | Plassering |
| U.S. Billboard Christmas Singles | 4 |
| År | Singel | Plassering |
|---|---|---|
| UK Singles Chart | ||
| 1980 | «Santa Claus Is Back in Town» | 41 |
Dwight Yoakam-versjonen[endre | endre wikiteksten]
| År | Singel | Plassering |
|---|---|---|
| US Country | ||
| 1997 | «Santa Claus Is Back in Town» | 60 |
Filmar[endre | endre wikiteksten]
- Iron Man 3 (2013)
- Fred Claus (2007)
- Miracle on 34th Street (1994)
- C.R.A.Z.Y. (2005)
- The Long Kiss Goodnight (1996)
Kjelder[endre | endre wikiteksten]
- Denne artikkelen bygger på «Santa Claus Is Back in Town» frå Wikipedia på engelsk, den 3. oktober 2016.
- Wikipedia på engelsk oppgav desse kjeldene:
- Guralnick, Peter. The King of Rock 'n' Roll: The Complete 50's Masters, insert booklet. RCA 66050-2, 1992.
- Guralnick, Peter. From Nashville to Memphis: The Essential '60s Masters, insert booklet. RCA 66160-2, 1993.
- Guralnick, Peter (1994). Last Train to Memphis: The Rise of Elvis Presley. Little Brown GBR. ISBN 978-0-316-91020-0.
- Hopkins, Jerry (1971). Elvis: A Biography. ISBN 978-0-671-20973-5.
- Wolfe, Charles. Elvis Presley: If Every Day Was Like Christmas, liner notes. BMG Australia Limited, 7863664822, 1994.
Bakgrunnsstoff[endre | endre wikiteksten]
- Rock and Roll Hall of Fame: 20 Essential Rock and Roll Holiday Songs. Arkivert 2016-06-25 ved Wayback Machine.
- Heile songteksten på MetroLyrics
