Sara Slott Petersen

Sara Slott Petersen
Statsborgarskap	Kongeriket Danmark
Fødd	9. april 1987 (37 år) Nykøbing Falster
Idrett	friidrett
Tok del i	Sommar-OL 2012, Friidrett under Sommer-OL 2016 – 400 meter hekk kvinner
Utmerkingar	Bestsellers Olympiske Håb

Sara Slott Petersen (fødd 9. april 1987) er ein dansk friidrettsutøvar frå Nykøbing Falster som deltek på sprintdistansane og i hekkeløp. Ho vart i 2016 europameister på 400 meter hekk, det fyrste EM-gullet teke av ein kvinneleg dansk friidrettsutøvar.

Aktiv

Petersen sette i juli 2011 dansk rekord på 400 m hekk med 55,97 sekundar, ein rekord ho forbetra till 55,68 i polske Szczecin, like før Sommar-OL 2012 i London. I sjølve sommarleikane rauk ho ut i semfinalane, slik ho hadde gjort fleire gongar før i store meisterskap.

Sesongen 2015 gjorde Petersen veldige framsteg over langhekken, noko som toppa seg med tida 53,99 sekundar under DL-stemnet i Paris den 4. juli. Sju veker seinare vart ho nummer fire i øvinga ved friidretts-VM i Beijing, 0,18 sekundar bak bronsevinnaren. Under europameisterskapen 2016 i Amsterdam presterte Petersen sitt beste løp for sesongen, og vann ein rimeleg klar siger i finalen etter eit løp som varte i 55,12 sekundar.

Medaljar og plasseringar i internasjonale meisterskap

• VM 2009 i Berlin: Utslått i semifinalane – nr 20 (56,99)
• EM 2010 i Barcelona: Utslått i forsøka – nr 22 (57,28)
• VM 2011 i Daegu: Utslått i semifinalane – nr 18 (56,49)
• EM 2012 i Helsinki: Utslått i semifinalane – nr 9 (56,07)
• OL 2012 i London: Utslått i semifinalane – nr 19 (56,21)
• EM 2014 i Zürich: Diskvalifisert i forsøksløpet
• VM 2015 i Beijing: Nr 4 – 54,20 sekundar
• EM 2016 i Amsterdam: Gullmedalje – 55,12, framom Joanna Linkiewicz (55,33)

Kjelder

• Denne artikkelen bygger på «Sara Slott Petersen» frå Wikipedia på engelsk, den 13. juli 2016.