Sarta

Frå Wikipedia – det frie oppslagsverket
Hopp til navigering Hopp til søk
Koordinatar: 32°06′15″N 35°05′25″E
Sarta
سرطّه
kommune
Namneopphav: Serta[1]
Land Flag of Palestine.svg Dei palestinske territoria
Guvernement Salfit guvernement
Koordinatar 32°06′15″N 35°05′25″E
Folketal 2 530 (2007)
Palestine location map wide.png
Locator Red.svg
Wikimedia Commons: Sarta

Sarta (arabisk سرطّه) er ein palestinsk by som ligg i Salfit guvernement nord på Vestbreidda, 22 kilometer sørvest for Nablus. I følgje Palestinsk statistisk sentralbyrå hadde han eit folketal på kring 2 530 i 2007.[2]

Historie[endre | endre wikiteksten]

Sarta ligg på ein gammal stad, der cisterner og kolumbarium er hogde ut i fjellet.[3]

Landsbyen vart ein del av Det osmanske riket i 1517 i lag med resten av Palestina, og i 1596 oppført i skattelister som ein del av Jabal Qubal nahiya i Nablus liwa. Han hadde då eit folketal på seks hushaldningar, alle muslimar. Landsbybuarane betalte skatt for kveite, bygg, sommaravlingar, oliventre, geiter og bikubar.[4]

Den franske oppdagaren Victor Guérin vitja landsbyen i 1870, og noterte 40 hus, somme i betre stand enn andre. Steinhusa var både raude og kvite. Fleire gamle cisterner hogde ut i berget, gav vatn til innbyggjarane.[5] I «Survey of Western Palestina» i 1882, vart Serta skildra som ein liten steinlandsby.[6]

I ei folketeljing i 1922 utført av Dei britiske mandatstyresmaktene, hadde Sarta eit folketal på 275 muslimar og ein jøde,[7] medan han i folketeljinga i 1931 hadde 76 busette hus og eit folketal på 317, alle muslimar.[8] I 1945 var folketalet 420 arabarar, medan det samla landarealet var 5 584 mål, i følgje ei offisiell landmåling.[9] Av dette var 1 858 for plantasjar og irrigert land, 766 for korn,[10] medan 23 mål var klassifisert som utbygde område.[11]

Kjelder[endre | endre wikiteksten]

  1. Palmer 1881, s. 241
  2. 2007 PCBS Census Palestinsk statistisk sentralbyrå. s. 112.
  3. Dauphin, 1998, s. 811
  4. Hütteroth and Abdulfattah, 1977, s. 135.
  5. Guérin, 1875, s. 146
  6. Conder og Kitchener, 1882, s. 287
  7. Barron, 1923, Table IX, UnderNablus sanjak, s. 26
  8. Mills, 1932, s. 65
  9. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 61
  10. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 107
  11. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 158

Bakgrunnsstoff[endre | endre wikiteksten]