Saturnmånen Mimas

Frå Wikipedia – det frie oppslagsverket
Gå til: navigering, søk
Mimas
Mimas Cassini.jpg
Mimas sett frå Cassini-sonden
Oppdaging[1]
Oppdaga av William Herschel
Oppdagingsdato 17. september 1789
Baneskildring[1]
185 539 km
Eksentrisitet 0,0196
0,942 dagar
Banehelling 1,574°
Satellitt av Saturn
Fysiske eigenskapar
Snittdiameter
396,4 ± 0,50 km[1]
Masse 3,7506 × 1019 kg[1]
1,15 g/cm³[1]
0,064 m/s²[1]
bunden
0,005°
Albedo 0,6 (synleg geometrisk)[2]

Mimas er ein av månane til Saturn. Han er oppkalla etter ein av titanane som vart felt av Herakles og vart oppdaga i 1789 av William Herschel.

Den låge tettleiken til Mimas tyder på at den for det meste består av is, med ein liten del stein. Overflata vert dominert av eit nedslagskrater med ein diameter på 130 km ein har gjeve namnet Herschel. Krateret er så stort at det utgjer 1/3 av månen sin totale diameter. Kraterveggene er omtrent fem km høge, botnen går så djupt som ti km, og toppen i midten står seks km over kraterbotnen. Nedslaget må ha vore i nærleiken av å knuse Mimas. Det er observert sprekkar på den motsette sida av månen som kan ha oppstått under nedslaget.

Overflata er metta med krater, men ingen av dei er på langt nær så store som Herschel. Dette tyder på at Mimas tidlegare har vore bombardert av enda større lekam enn det som skapte Herschel, noko som førte til at alle spor etter tidlegare nedslag vart viska ut. Restane har så samla seg og danna Mimas slik månen er no.

Interaksjon med Saturn sine ringar[endre | endre wikiteksten]

Observasjonar av romsonden Cassini har vist at Mimas og utsjånaden på G-ringen i ringane til Saturn har ein samanheng. Mimas bidreg til å halde dei fine partiklane i denne ringen på plass[3].

Kjelder[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Saturnmånen Mimas
Spire Denne astronomiartikkelen er ei spire. Du kan hjelpe Nynorsk Wikipedia gjennom å utvide han.